சூப்பர் ஸ்டார் ரஜினிகாந்த் நடிப்பில் இயக்குனர் ரஞ்சித் இயக்கத்தில் இன்று வெளியாகியுள்ள 'காலா' திரைப்படத்திற்கு உலகம் முழுவதிலும் இருந்து பாசிட்டிவ் ரிசல்ட்டுக்கள் வெளியாகி கொண்டிருக்கின்றன. இதனால் ரஜினியை கடந்த சில மாதங்களாக எதிர்த்து வந்த எதிர்ப்பாளர்கள் அதிர்ச்சி அடைந்துள்ளனர். இந்த படம் தோல்வி அடைந்தால் ரஜினியின் இமேஜை டோட்டலாக டேமேஜ் ஆக்கலாம் என்று நினைத்திருந்த ரஜினியின் எதிர்ப்பாளர்களுக்கு உண்மையில் இந்த படம் அதிர்ச்சியை கொடுத்துள்ளது.

இந்த நிலையில் 'காலா' படத்தை இயக்கிய ரஞ்சித்துக்கு திரையரங்கில் கட் அவுட் வைக்கப்பட்டுள்ளது. இதுவரை பாலசந்தர், பாரதிராஜா முதல் ஷங்கர் வரை பல பெரிய இயக்குனர்கள் ரஜினி உள்பட பெரிய ஸ்டார்கள் நடித்த படத்தை இயக்கியுள்ளனர். ஆனால் முதல்முறையாக இயக்குனர் ரஞ்சித்துக்கு மட்டுமே திரையரங்கில் கட் அவுட் வைக்கப்பட்டுள்ளது என்பது குறிப்பிடத்தக்கது.

இதுவரை இல்லாத வகையில் ரஜினியை சரியாக பயன்படுத்தி அவருடைய வயதுக்கும் இமேஜூக்கும் ஏற்ற கதையை தேர்வு செய்து ரஞ்சித் இயக்கியுள்ள 'காலா' படத்தை இணையதளங்களும், சமூக வலைத்தளங்களும் கொண்டாடி வருகின்றன.