ഇന്ദ്രജിത്ത് ചിത്രത്തിൻ്റെ ഫസ്റ്റ് ലുക്ക് പോസ്റ്റർ പുറത്തിറങ്ങി
- IndiaGlitz, [Wednesday,April 19 2023]
നവാഗതനായ വരുൺ ജി പണിക്കർ ഇന്ദ്രജിത്തിനെ നായനാക്കി സംവിധാനം ചെയ്യുന്ന സിനിമയുടെ ഫസ്റ്റ് ലൂക്ക് പോസ്റ്റർ പുറത്തിറങ്ങി. ഞാൻ കണ്ടതാ സാറേ എന്നു പേരിട്ടിരിക്കുന്ന ചിത്രം. നർമ്മത്തിൽ പറയുന്ന ഒരു ത്രില്ലർ ആണ്. ബഡായ് ബംഗ്ളാവിലൂടെ ശ്രദ്ധേയയായ ആര്യ ആണ് നായികയായി എത്തുന്നത്. ഹൈലൈൻ പിക്‌ചേഴ്‌സിൻ്റെയും, ലെമൺ പ്രൊഡക്ഷൻസിൻ്റെയും ബാനറിൽ പ്രകാശ് ഹൈലയിനും പ്രശസ്ത സംവിധായകൻ ദീപു കരുണാകരനും ചേർന്ന് ആണ് ചിത്രം നിമ്മിക്കുന്നത്. കൊ പ്രൊഡ്യൂസർ ബാബു ആർ എക്‌സിക്യൂട്ടീവ് പ്രൊഡ്യൂസർ അമീർ അബ്‍ദുൾ അസീസ്, തിരുവനന്തപുരവും പരിസര പ്രദേശങ്ങളിലുമായി ചിത്രത്തിൻ്റെ ഷൂട്ടിംഗ് പുരോഗമിക്കുന്നു.
ഇന്ദ്രജിത്തിനെ കൂടാതെ ബൈജു സന്തോഷ്, അനൂപ് മേനോൻ, അലൻസിയർ, എന്നിവരും പ്രധാന വേഷത്തിൽ എത്തുന്നു. ഇവരെ കൂടാതെ, സാബുമോൻ, അർജുൻ നന്ദകുമാർ, ദീപു കരുണാകരൻ, സുരേഷ് കൃഷ്ണ, ബിജു പപ്പൻ, ബാലാജി ശർമ്മ, മല്ലിക സുകുമാരൻ, അഞ്ജന അപ്പുക്കുട്ടൻ എന്നിവരാണ് മറ്റു താരങ്ങൾ. പ്രശാന്ത് കൃഷ്ണ ക്യാമറയും, അരുൺ കരിമുട്ടം രചനയും, രാഹുൽ രാജ് സംഗീതം സംവിധാനവും നിർവഹിക്കുന്നു. മാർക്കറ്റിംഗ് ഒബ്സ്ക്യൂറ എന്റർടൈൻമെന്റ്. വാഴൂർ ജോസ് ആണ് ചിത്രത്തിൻ്റെ പി ആർ ഒ.