ఏప్రిల్ మొద‌టివారంలో సుమంత్ 24 ఫ‌స్ట్‌లుక్‌
- IndiaGlitz, [Wednesday,March 28 2018]
'మ‌ళ్ళీరావా' చిత్రంతో మ‌ళ్ళీ స‌క్సెస్ ట్రాక్‌లోకి వ‌చ్చారు కథానాయకుడు సుమంత్. ప్రస్తుతం వ‌రుస సినిమాల‌తో ఆయ‌న బిజీగా మారారు. ఇదిలా ఉంటే.. సుమంత్, అంజు కురియన్ జంటగా ‘ఇదం జగత్’ (పరిశీలనలో ఉన్న పేరు) పేరుతో ఓ సినిమా తెర‌కెక్కుతోంది. సుమంత్ కెరీర్‌లో 24వ చిత్రంగా తెరకెక్కుతున్న ఈ సినిమాతో అనిల్ శ్రీ‌కంఠం దర్శకుడిగా పరిచయమవుతున్నారు. క్రైమ్ థ్రిల్లర్ నేపథ్యంలో సాగే ఈ చిత్రంలో నైట్ షిఫ్ట్ ఉద్యోగం చేసే ప్రెస్ ఫొటోగ్రాఫర్‌గా.. ప్రతినాయక ఛాయలున్న పాత్రలో సుమంత్ కనిపించనున్నారు.
ప్రస్తుతం చిత్రీకరణ ముగింపు దశలో ఉన్న ఈ చిత్రం ప్రీ-లుక్‌ను ఏప్రిల్ 1న, అలాగే.. ఫస్ట్‌లుక్‌ను ఏప్రిల్ మొదటి వారంలో విడుదల చేయ‌డానికి స‌న్నాహాలు జ‌రుగుతున్నాయి. అలాగే సినిమాని ఏప్రిల్ ఆఖరి వారంలో విడుదల చేయాలని ప్లాన్ చేస్తున్నారు. ఇదిలా ఉంటే.. తాజాగా సుమంత్ తన 25వ చిత్రాన్ని ప్రారంభించిన విషయం తెలిసిందే. కొత్త దర్శకుడు సంతోష్ జాగర్లపూడి దర్శకత్వంలో తెరకెక్కుతున్న ఈ సినిమాకి ‘సుబ్రమణ్యపురం’ అనే పేరుని ఖరారు చేశారు. ఇందులో ఈషా రెబ్బా క‌థానాయిక‌గా న‌టిస్తోంది.