தமிழ் திரையுலகில் ஒரு நடிகை ஒருசில ஆண்டுகள் கதாநாயகியாக நடிப்பதே பெரிய விஷயம். இந்த நிலையில் லேடி சூப்பர் ஸ்டார் நயன்தாரா கடந்த 13 வருடங்களாக நாயகியாக நடிப்பது மட்டுமின்றி கடந்த சில ஆண்டுகளாக நாயகிக்கு முக்கியத்துவம் உள்ள கதைகளில் மட்டும் நடித்து வருகிறார். அவரது நடிப்பில் சமீபத்தில் வெளியான 'கோலமாவு கோகிலா', 'இமைக்கா நொடிகள்' ஆகிய திரைப்படங்கள் நல்ல வரவேற்பை பெற்றது.

இந்த நிலையில் நயன்தாராவின் 63வது படத்தை இயக்குனர் சர்ஜுன் இயக்கி வருகிறார். இவர் லட்சுமி, மா ஆகிய குறும்படங்களை இயக்கியவர் என்பது குறிப்பிடத்தக்கது. இந்த படத்தில் நயன்தாரா, பேய்களை ஆராய்ச்சி செய்யும் கேரக்டரில் நடித்து வருகிறார்.

இந்த நிலையில் இந்த படத்தின் ஃபர்ஸ்ட்லுக் நாளை அதாவாது அக்டோபர் 9ஆம் தேதி மாலை 5 மணிக்கு வெளியாகவுள்ளதாக அறிவிக்கப்பட்டுள்ளது. இந்த அறிவிப்பு நயன்தாரா ரசிகர்களுக்கு ஒரு இன்ப அதிர்ச்சி என்பதை சொல்லவே தேவையில்லை.

இந்த படத்தை நயன்தாரா நடித்த 'அறம்' படத்தை தயாரித்த கே.ஜே.ஆர். ஸ்டுடியோ நிறுவனம் தயாரித்து வருகிறது.