సోషల్ మీడియా లో చేరిన లారెన్స్
- IndiaGlitz, [Thursday,October 29 2015]
కొరియోగ్రాఫర్ గా కెరీర్ స్టార్ట్ చేసి డ్యాన్స్ మాస్టర్ గా, దర్శకుడిగా, హీరోగా ఎదిగిన రాఘవేంద్ర లారెన్స్ ప్రస్తుతం దర్శకుడుగా చాలా బిజీగా మారిపోయాడు, ముని, కాంచన, గంగ చిత్రాలతో డైరెక్టర్ గా వరుస విజయాలను సొంతం చేసుకున్నాడు. తెలుగులో విజయవంతమైన పటాస్ తమిళ రీమేక్ లో ప్రస్తుతం హీరోగా నటిస్తున్నాడు.
ఒకవైపు సినిమాల్లో నటిస్తూనే మరోవైపు పేద విద్యార్థుల చదువు కోసం కూడా అండగా నిలబడి తన వంతు సహాయాన్ని అందిస్తున్నాడు. తన సినిమాలు, సమాజ సేవ గురించి చాలా మంది తెలుసుకోవాలనుకుంటున్నారని, అందుకే ఆ వివరాలను తాను ఫేస్ బుక్, ట్విట్టర్ ద్వారా షేర్ చేసుకోవడానికి ఈరోజు తన పుట్టినరోజు సందర్భంగా సోషల్ మీడియాలో పార్ట్ అయ్యానని చెప్పుకొచ్చారు.