இந்த ஆண்டின் முதல் ஹிட் படத்தின் சென்னை வசூல் நிலவரம்
- IndiaGlitz, [Monday,March 05 2018]
2018ஆம் ஆண்டில் பலதிரைப்படங்கள் வெளிவந்திருந்தபோதிலும், விநியோகிஸ்தர்களுக்கும், தயாரிப்பாளருக்கும் திருப்திகரமான லாபத்தை கொடுத்த முதல் படம் என்ற பெருமை சுந்தர் சி இயக்கிய 'கலகலப்பு 2' திரைப்படத்திற்கு கிடைத்துள்ளது.
கடந்த மாதம் 9ஆம் தேதி வெளிவந்த இந்த திரைப்படம் நேற்று வரை சென்னையில் மட்டும் ரூ.4,23,65,483 வசூல் செய்துள்ளது. மேலும் கடந்த சில நாட்களாக தயாரிப்பாளர் சங்கத்தின் வேலைநிறுத்தம் காரணமாக வேறு புதிய திரைப்படங்கள் வெளியாகாததால் இன்னும் இந்த படத்திற்கு நல்ல வசூல் கிடைத்து வருகிறது.
கடந்த வாரயிறுதி நாட்களில் சென்னையில் இந்த படம் 13 திரையரங்குகளில் 108 காட்சிகள் திரையிடப்பட்டு ரூ.27,43,733 வசூல் செய்துள்ளது. திரையரங்குகளில் 80% பார்வையாளர்கள் இருந்தனர் என்பது குறிப்பிடத்தக்கது.