విల‌న్స్‌ను త‌మ ధైర్య సాహ‌సాల‌తో ప‌రుగులు పెట్టించే హాలీవుడ్ హీరోలు ఇప్పుడు భ‌యంతో ప‌రుగులు తీస్తున్నారు. ఇంత‌కు వారెందుకు ప‌రుగులు తీసున్నారో తెలుసా? దావాగ్ని కార‌ణంగా. వివ‌రాల్లోకెళ్తే కాలిఫోర్నియాలో రేగిన కార్చిచ్చు క్ర‌మంగా హాలీవుడ్ న‌టీన‌టులు, టెక్నీషియ‌న్స్ సంపన్నులు నివ‌సించే బ్రెంట్‌వుట్ ప్రాంతాన్ని తాకింది.

బ్రెంట్‌వుడ్ ప్రాంతంలో మిలియ‌న్ డాల‌ర్స్ విలువ చేసే విల్లాలు, ఇళ్లు ఈ అగ్నిప్ర‌మాదంలో బూడిద‌య్యాయి. అర్థ‌రాత్రి స‌మ‌యంలో అగ్నికీల‌లు ఎగిసిప‌డ‌టంతో హాలీవుడ్ స్టార్స్ అంద‌రూ భ‌యంతో ప‌రుగులు తీశారు.

ముందు బాలీవుడ్ సూప‌ర్‌స్టార్ లిబ్రోన్ జేమ్స్ ఇంటికి నిప్పు అంటుకుంది. ఈయ‌న త‌న భార్య‌, పిల్ల‌ల‌తో క‌లిసి బ‌య‌ట‌కు పరుగులు తీశారు. ఈయ‌న ఈ ఇంటిని 23 మిలియ‌న్ డాల‌ర్స్‌కు కోనుగోలు చేశారు. అలాగే హాలీవుడ్ స్టార్‌, కాలిఫోర్నియా మాజీ గ‌వ‌ర్న‌ర్ ఆర్నాల్డ్ స్క్వార్జ్ నెగ్గ‌ర్ స‌హా ప‌లువురు వారి ఇళ్ల నుండి బ‌య‌ట‌కు ప‌రుగులు తీశారు.

బ్రెంట్‌వుట్ ప్రాంత‌మంతా బూడిద‌, ద‌ట్ట‌మైన పొగ‌తో నిండిపోయింది. అగ్నిమాప‌క సిబ్బంది స‌హాయ‌క చర్య‌లు చేప‌ట్టింది. హెలికాప్ట‌ర్స్‌, విమాన ట్యాంకర్స్ సాయంతో మంట‌ల‌ను అదుపులోకి తీసుకొచ్చే ప్రయ‌త్నాలు చేస్తున్నారు. ఈ ప్ర‌మాద నేప‌థ్యంలో ఆర్నాల్డ్ లేటెస్ట్ మూవీ ది ట‌ర్మినేట‌ర్ డార్క్ ఫేట్ ప్రీమియ‌ర్ కార్య‌క్ర‌మాన్ని ర‌ద్దు చేశారు.