ஓடும் ரயிலில் பயங்கர தீ விபத்து… அதிர்ச்சி தகவல்!
- IndiaGlitz, [Saturday,March 13 2021]
டெல்லியில் இருந்து டேராடூனுக்கு சென்று கொண்டு இருந்த சதாப்தி விரைவு ரயிலில் திடீரென பயங்கர தீ விபத்து ஏற்பட்டு இருக்கிறது. இந்த விபத்தில் அதிஷ்டவசமாக யாருக்கும் எந்த பாதிப்பும் ஏற்படவில்லை என்று தகவல் வெளியாகி இருக்கிறது.
டெல்லியில் இருந்து டேராடூனுக்கு சென்று கொண்டு இருந்த சதாப்தி விரைவு ரயிலில் பயங்கர தீ விபத்து ஏற்பட்டு இருக்கிறது. இந்த ரயில் இன்று மதியம் ஹரித்வார்க்கு அருகில் உள்ள கான்ஸ்ரோ ரயில் நிலையத்திற்கு அருகே சென்று கொண்டு இருந்தபோதுதான் இந்த விபத்து ஏற்பட்டு இருக்கிறது. மேலும் ரயிலில் இருந்த சி4 கம்பார்ட்மெண்டில் மின் கசிவு ஏற்பட்டதாலேயே இந்த விபத்து நிகழ்ந்ததாகவும் முதற்கட்ட தகவல் கூறப்பட்டு உள்ளது.
முதலில் சி4 ரயில் பெட்டியில் மின்கசிவு ஏற்பட்டு அந்த மின்கசிவு பயங்கர தீக்குழம்பாக மாறியதாகவும் கூறப்படுகிறது. இந்நிலையில் அந்தப் பெட்டியில் இருந்த 34 பயணிகளும் பத்திரமாக மீட்கப்பட்டு உள்ளனர் என்றும் அவர்களில் யாருக்கும் எந்த பாதிப்பும் ஏற்படவில்லை என்றும் தகவல்கள் வெளியாகி இருக்கிறது.