సీఎం చంద్రబాబు నివాసం సమీపంలో అగ్నిప్రమాదం
- IndiaGlitz, [Friday,May 03 2019]
టీడీపీ అధినేత, ఏపీ సీఎం చంద్రబాబు నాయుడు అమరావతిలోని కృష్ణా కరకట్ట సమీపంలో నివసిస్తున్న సంగతి తెలసిందే. శుక్రవారం మధ్యాహ్నం సీఎం నివాసం సమీపంలో అగ్ని ప్రమాదం చోటుచేసుకుంది. దీంతో పెద్ద ఎత్తున పోలీసులు సీఎం నివాసానికి చేరుకున్నట్లు తెలుస్తోంది.! కరకట్ట పక్కనే ఉన్న ఎండుగడ్డి తగలబడి పొలాల్లోకి మంటలు వ్యాపించాయి. స్థానిక సమాచారం మేరకు రంగంలోకి దిగిన పోలీసులు, ఫైరింగ్ సిబ్బంది మంటలను అదుపు తెచ్చేందుకు ప్రయత్నాలు చేస్తున్నారు. సకాలంలో ఫైరింగ్ సిబ్బంది ఘటనాస్థలికి వచ్చి మంటలు ఆర్పడంతో ప్రమాదపుశాతం తగ్గిందని చెప్పుకోవచ్చు. కాగా.. ఈ అగ్నిప్రమాదం జరిగిన పక్కనే కూరగాయలతో ఉన్న పంట పొలాలు ఉన్నాయి. అక్కడి దాకా మంటలు వ్యాపించకమునుపే అగ్నిమాపక సిబ్బంది మంటలు ఆర్పేయడంతో ప్రమాదం తప్పిందని రైతులు చెబుతున్నారు.
ప్రమాదం ఏ విధంగా జరిగింది..? ఎవరైనా కావాలనే ఇలా చేశారా..? స్థానికంగా రైతుల మధ్య వివాదంతో ఇలా తగులబెట్టారా..? ప్రస్తుతమున్న రాజకీయ పరిణామాల నేపథ్యంలో ఎవరైనా పనిగట్టుకుని ఇలా చేశారా..? అనేదానిపై పోలీసులు ఆరాతీస్తున్నారు. కాగా ఈ ఘటనకు సంబంధించి మరింత సమాచారం తెలియాల్సి ఉంది.