రెబ‌ల్‌స్టార్ ప్ర‌భాస్ మూడో ప్యాన్ ఇండియా మూవీగా ‘ఆదిపురుష్‌’ మంగ‌ళ‌వారం ముంబైలోని గోరేగాన్‌ స్టూడియోలో లాంఛ‌నంగా ప్రారంభ‌మైన సంగ‌తి తెలిసిందే. టి సిరీస్ నిర్మాణంలో ఓం రావుత్ ఈ సినిమాను తెర‌కెక్కిస్తున్నాడు. ఈ సినిమా కోసం గోరేగాన్ స్టూడియోలో భారీ సెట్ వేశారు. అయితే ఏమైందో ఏమో కానీ.. సాయంత్రం సెట్స్‌లో మంట‌లు రేగాయి. వేసిన సెట్ అంతా అగ్ని ప్ర‌మాదంలో పాడైంద‌ని విడుద‌లైన విజువల్స్‌ను బట్టి తెలుస్తుంది. ప్ర‌మాదంలో ఎవ‌రికీ ఎలాంటి ఆప‌ద జ‌ర‌గ‌లేదు. ప్ర‌మాదం భారీగానే జ‌రిగిన‌ట్లు తెలుస్తుంది. మంట‌ల‌ను ఆదుపు చేయ‌డానికి 8 ఫైర్ ఇంజ‌న్స్‌, 5 జంబో ట్యాంకర్స్‌, జేసీబీ రంగంలోకి దిగాయి. షార్ట్ సర్క్యూట్ వ‌ల్లే ప్ర‌మాదం జ‌రిగి ఉంటుంద‌ని అంద‌రూ భావిస్తున్నారు. తొలిరోజునే భారీ ప్ర‌మాదం జ‌ర‌గ‌డంతో ప్ర‌భాస్ అభిమానులు నిరాశ ప‌డ్డారు.

ఫిబ్ర‌వ‌రి 9 త‌ర్వాత ప్ర‌భాస్ ఈ సెట్‌లోకి అడుగు పెడ‌తాడ‌ని వార్త‌లు వినిపించాయి. ఇప్పుడు ప్ర‌మాదం జ‌ర‌గ‌డంతో తొలి షెడ్యూల్ వాయిదా ప‌డుతుందా.. లేదా అని తెలియ‌డం లేదు. రామాయణంను ‘ఆదిపురుష్‌’ పేరుతో తెర‌కెక్కిస్తున్నారు. ఇందులో రాముడిగా ప్ర‌భాస్ న‌టిస్తుంటే రావ‌ణాసురుడిగా సైఫ్ అలీఖాన్ న‌టిస్తున్నారు. వ‌చ్చే ఏడాది ఆగ‌స్ట్ 11న సినిమాను విడుద‌ల చేస్తామ‌ని ద‌ర్శక నిర్మాత‌లు తెలిపారు.