உலகிலேயே இளமையான பிரதமர்..!
- IndiaGlitz, [Monday,December 09 2019]
பின்லாந்து நாட்டின் பிரதமராக 34 வயதான சன்னா மரின் என்பவர் தேர்வு செய்யப்பட்டுள்ளார்.
பின்லாந்து நாட்டில் சமூக ஜனநாயகவாதிகள் கட்சியின் தலைமையிலான கூட்டணி ஆட்சி நடைபெற்று வருகிறது. இதில் பிரதமராக இருந்த அண்ட்டி ரின் மீதான நம்பிக்கையை தாங்கள் இழந்துவிட்டதாக கூட்டணி கட்சியினர் அறிவித்ததையடுத்து, ரின் பதவி விலகினார்.இந்நிலையில், சமூக ஜனநாயகவாதிகள் கட்சியின் சன்னா மரின் அந்நாட்டின் பிரதமராக தேர்வு செய்யப்பட்டுள்ளார். இவர், அந்நாட்டின் போக்குவரத்து துறை அமைச்சராக செயல்பட்டு வந்தார். 34 வயதான சன்னா மரின், பின்லாந்தின் இளம் பிரதமராவார்.
மேலும் உலகிலேயே இளம் வயதில் பிரதமரானவர் என்ற பெருமையை பெற்றுள்ள சன்னா மரின், தற்போது பதவியில் இருக்கும் பிரதமர்களிலேயே இளம் வயதுடையவர் என்பதும் குறிப்பிடத்தக்கது.