நடிகர் சங்க தேர்தல்: இறுதி வேட்பாளர் பட்டியல் வெளியீடு
- IndiaGlitz, [Friday,October 09 2015]
தென்னிந்திய நடிகர் சங்க தேர்தல் வரும் 18ஆம் தேதி சென்னை மயிலாப்பூர், ராதாகிருஷ்ணன் சாலையில் உள்ள செயின்ட் எப்பாஸ் மெட்ரிகுலேஷன் உயர்நிலைப் பள்ளியில் நடைபெறுகிறது. அன்று மாலையே வாக்கு எண்ணிக்கையும் தொடங்கி முடிவும் வெளியாகும் என எதிர்பார்க்கப்படுகிறது.
இந்நிலையில் இந்த தேர்தலில் போட்டியிடும் இறுதி வேட்பாளர் பட்டியல் தற்போது வெளியாகியுள்ளது. இதன்படி பாண்டவர் அணியின் சார்பில் நடிகர் சங்க தலைவர் பதவிக்கு நாசர், பொதுச் செயலர் பதவிக்கு விஷால், துணைத் தலைவர் பதவிகளுக்கு பொன்வண்ணன், கருணாஸ், பொருளாளர் பதவிக்கு கார்த்தி, மற்றும் 24 பேர் செயற்குழு உறுப்பினர்கள் பதவிகளுக்கு போட்டியிடுகிறார்கள்.
அதேபோல் சரத்குமார் அணியின் சார்பில் தலைவர் பதவிக்கு சரத்குமார், பொதுச் செயலர் பதவிக்கு ராதாரவி, துணைத் தலைவர் பதவிகளுக்கு விஜயகுமார், சிம்பு, பொருளாளர் பதவிக்கு எஸ்.எஸ்.ஆர்.கண்ணன், மற்றும் 24 பேர் செயற்குழு உறுப்பினர்கள் பதவிகளுக்கு போட்டியிடுகிறார்கள்.
மேலும் தலைவர் பதவிக்கு சரத்குமார், நாசர் தவிர சிவசாமி என்பவரும் போட்டியிடுகிறார் என்பது குறிப்பிடத்தக்கது. இந்த இறுதிப் பட்டியலை தேர்தல் அதிகாரி பத்மநாபன் இன்று சென்னையில் வெளியிட்டார்.