சென்னை சர்வதேச திரைப்பட  விழா கடந்த 2003 ஆம் ஆண்டு முதல் ஒவ்வொரு ஆண்டும் சென்னையில் கோலாகலமாக நடைபெற்று வருகிறது. இந்த நிலையில் 15வது சர்வதேச சென்னை திரைப்பட விழா வரும் 14ஆம் தேதி தொடங்கி 21ஆம் தேதி வரை நடைபெறவுள்ளது.

இந்த விழாவில் ஆஸ்திரேலியா, பிரெஞ்சு, ஸ்வீடன், ஐரோப்பா, கொரியா உள்ளிட்ட நாடுகளின் படங்கள் உள்பட 150 திரைப்படங்கள் திரையிடப்படுகின்றன. எம்.ஜி.ஆர்.நூற்றாண்டு விழாவை முன்னிட்டு அவர் நடித்த 2 படங்களும் திரையிடப்படுகின்றன. சென்னையில் உள்ள தேவி, தேவிபாலா, சத்யம், கேசினோ, அண்ணா, தாகூர் பிலிம் சென்டர், ரஷ்ய கலாசார மையம், ஆகிய தியேட்டர்களில் படங்கள் திரையிடப்படும்.1

இந்த நிலையில் இந்த விழாவில் திரையிடப்பட தேர்வு செய்யப்பட்டுள்ள 12 தமிழ்ப்படங்கள் குறித்த தகவல் தற்போது வெளிவந்துள்ளது. சமீபத்தில் வெளியாகி ரசிகர்களின் மனதை கவர்ந்த இந்த படங்களின் பட்டியல் இதோ:

1. 8 தோட்டாக்கள்
2. அறம்
3. கடுகு
4. குரங்கு பொம்மை
5. மாநகரம்
6. மகளிர் மட்டும்
7. மனுசங்கடா
8. ஒரு கிடாயின் கருணை மனு
9. ஒரு குப்பை கதை
10. தரமணி
11. துப்பறிவாளன்
12. விக்ரம் வேதா