డైర‌క్ట‌ర్ కుర్చీ మీద‌, హీరో క్రేజ్ మీదా ప్ర‌తి ఒక్క‌రికీ ఏదో ఒక‌ర‌క‌మైన ప్యాష‌న్ ఉంటుంది. ఎంతో మంది డ్యాన్స్ డైర‌క్ట‌ర్లు, ద‌ర్శ‌కులు అవుతున్నారు. అయితే ఈ ద‌ఫా కాసింత కొత్త‌గా ఫైట్ మాస్ట‌ర్ ఒక‌రు హీరో అవుతున్నారు.

'స‌తురంగ వేట్టై'తో కెమెరామేన్ న‌ట్టి హీరోగా అయిన‌ప్ప‌టి నుంచీ టెక్నీషియ‌న్స్ కు హీరో కావాల‌నే కోరిక కాసింత ఎక్కువైంది. తాజాగా మేక‌ప్ వేసుకోనున్న‌ది మాత్రం స్టంట్ శివ‌. ఫైట్ మాస్ట‌ర్‌గా దాదాపు 100 సినిమాలు చేసిన స్టంట్ శివ తాజాగా హీరోగా మార‌నున్నారు.

ఇటీవ‌ల విజ‌య్ సేతుప‌తి, న‌యన తార న‌టించిన 'ఇమైక్కా నొడిగ‌ళ్‌' కూడా ఆయ‌న‌కు చాలా మంచి పేరు తెచ్చిపెట్టింది. ఆయ‌న హీరోగా న‌టించే సినిమాకు 'వేట్ట‌య‌న్‌' అనే పేరు పెట్టారు. నిమో ప్రొడ‌క్ష‌న్స్ ప‌తాకంపై బాలు ఈ సినిమాను నిర్మిస్తున్నారు. ఈ సినిమా పూజా కార్య‌క్ర‌మాలు ఇటీవ‌ల జ‌రిగాయి. తెలుగు, త‌మిళ్‌లో ఓ మంచి కాన్సెప్ట్ తో నిర్మిస్తున్నట్టు స‌మాచారం.