ఫిడెల్ క్యాస్ట్రో కు జనసేన సెల్యూట్..!
- IndiaGlitz, [Saturday,November 26 2016]
క్యూబా మాజీ అధ్య‌క్షుడు ఫిడెల్ క్యాస్ట్రోకు ఈరోజు క‌న్నుమూసారు. ఐదు ద‌శాబ్దాల పాటు క్యూబాను అభివృద్ది ప‌ధంలో న‌డిపించిన ఫిడెల్ క్యాస్ట్రో క‌న్నుమూయ‌డంతో ప్ర‌పంచ వ్యాప్తంగా ప‌లువురు సినీ, రాజ‌కీయ ప్ర‌ముఖులు సంతాపం తెలియ‌చేసారు. జనసేన పార్టీ అధ్య‌క్షుడు ప‌వ‌న్ క‌ళ్యాణ్ ట్విట్ట‌ర్ లో స్పందిస్తూ....ఎంద‌రికో స్పూర్తి క‌లిగించిన గ్రేట్ లీడ‌ర్ ఫిడెల్ క్యాస్ట్రో ఈరోజు ఈ ప్ర‌పంచం నుంచి వెళ్లిపోయారు. ఆయ‌న‌కు జనసేన సెల్యూట్ చేస్తుంది. ఆరోగ్య, విద్య, ఆర్ధిక...ఇలా ఆయ‌న ప్ర‌వేశ‌పెట్టిన ఎన్నో సంస్క‌ర‌ణ‌లు దేశాన్ని అభివృద్ది వైపు న‌డిపించాయి. నేను ఎంత‌గానో గౌర‌వించే చేగువేర‌తో క్యాస్ట్రో గ్రేట్ జ‌ర్నీని ఎప్ప‌టికీ గుర్తుంచుకుంటాం. ఆయ‌న ఆత్మ‌కు శాంతి క‌ల‌గాల‌ని కోరుకుంటున్నాం అని తెలియ‌చేసారు జనసేన అధ్య‌క్షు ప‌వ‌ర్ స్టార్..!