షారూక్‌తో ఫాతిమా
- IndiaGlitz, [Sunday,January 06 2019]
ఫాతిమా సనా షేక్.. ఆమిర్‌ఖాన్ ‘దంగల్’ చిత్రంతో నటిగా తెరంగేట్రం చేసిన సంగతి తెలిసిందే. తర్వాత అమితాబ్, ఆమిర్, కత్రినాలతో కలిసి 'థగ్స్ ఆఫ్ హిందుస్థాన్‌'లో హీరోయిన్‌గా నటించింది.
ఈ సినిమా పెద్దగా విజయం సాధించక పోయినా, నటిగా ఫాతిమా మంచి మార్కులను సంపాదించుకుంది. ఇప్పుడు షారూక్‌ఖాన్‌తో కలిసి ఫాతిమా సనా షేక్ నటించనుంది.
వివరాల్లోకెళ్తే.. అంతరిక్షంలోకి అడుగు పెట్టిన తొలి భారతీయుడు రాకేష్ శర్మ బయోపిక్ రూపొందనుంది. ఇందులో షారూక్ జతగా ఫాతిమా నటించనుందనే బాలీవుడ్ వర్గాల సమాచారం.
అనురాగ్ బసు దర్శకత్వంలో రోనీ స్క్రూనీవాలా, సిద్ధార్థ్ రాయ్ కపూర్ సంయుక్తంగా నిర్మించనున్న ఈ చిత్రానికి ‘సెల్యూట్’ అనే టైటిల్ పరిశీలనలో ఉంది.