కొడుకులాగే తండ్రి కూడా విజయం సాధిస్తారా?
- IndiaGlitz, [Saturday,May 19 2018]
మహానటి సావిత్రి బయోపిక్‌గా తెరకెక్కిన చిత్రం ‘మహానటి’. ప్రపంచవ్యాప్తంగా విడుదలైన ఈ చిత్రం బ్లాక్ బస్టర్ హిట్ వైపు పరుగులు తీస్తోంది. ఇటువంటి బ్లాక్ బస్టర్ మూవీలో నటించి తెలుగులో గ్రాండ్ ఎంట్రీ ఇచ్చారు దుల్కర్ సల్మాన్. మలయాళంతో పాటు తమిళంలో కూడా సినిమాలను చేస్తున్న దుల్కర్ సల్మాన్.. తెలుగులో ఒక్క స్ట్రెయిట్ సినిమా కూడా చేయలేదు. అయితే ‘మహానటి’ సినిమాతో ఈ టాలెంటెడ్ యాక్టర్‌కి ఆ లోటు కూడా తీరిపోయింది. ఈ సినిమాలో సావిత్రి పాత్రలో కీర్తి సురేష్ నటించగా.. సావిత్రి భర్త జెమినీ గణేషన్ పాత్రలో దుల్కర్ సల్మాన్ నటించారు. సినిమా విడుదలైన తర్వాత జెమినీ గణేషన్ పాత్రలో ఈ యంగ్ హీరో ఒదిగిపోయారని అంతా ప్రశంసిస్తున్నారు. తన పాత్రకి తానే డబ్బింగ్ చెప్పుకుని తెలుగు ప్రేక్షకులకి మరింత చేరువయ్యారు సల్మాన్.
ఇప్పుడు కొడుకు బాటలోనే తండ్రి మమ్మూట్టి కూడా నడుస్తున్నారు. ఆ వివరాల్లోకి వెళితే.. ఉమ్మడి ఆంధ్రప్రదేశ్ ముఖ్యమంత్రి, దివంగత నేత వై.ఎస్.రాజశేఖర్ రెడ్డి బయోపిక్‌లో మమ్మూట్టి లీడ్ రోల్ పోషిస్తున్న సంగతి తెలిసిందే. ‘యాత్ర’ అనే టైటిల్‌ను ఫిక్స్ చేసుకున్న ఈ సినిమా ప్రస్తుతం ప్రీ-ప్రొడక్షన్ పనులను జరుపుకుంటోంది. త్వరలో సెట్స్ పైకి వెళ్లనున్న ఈ బయోపిక్ మూవీతో కొడుకు దుల్కర్ సల్మాన్ లాగే తండ్రి మమ్మూట్టి కూడా విజయాన్ని అందుకుంటారేమో చూడాలి.