ఫ‌స్ట్ టైం క‌ల‌సి న‌టిస్తున్న తండ్రి, త‌న‌య‌...ఎవ‌ర‌నుకుంటున్నారా..? క‌మ‌ల్ హాస‌న్, శ్రుతి హాస‌న్. తెర పై కూడా తండ్రీ కూతురు గా న‌టిస్తున్నార‌ని స‌మాచారం. శ్రుతి హాస‌న్ క‌థానాయికగా ఎంట్రీ ఇచ్చిన‌ప్ప‌టి నుంచి తండ్రితో క‌ల‌సి ఎప్పుడు న‌టిస్తుందా అని ఎదురు చూసారు. ఇప్ప‌టికి ఆ టైమ్ వ‌చ్చింది. జాతీయ అవార్డు అందుకున్న డైరెక్ట‌ర్ టి.కె.రాజీవ్ కుమార్ క‌మ‌ల్, శ్రుతి ఇద్ద‌రికీ స‌రిపోయే స్ర్కిప్ట్ రెడీ చేసి క‌మ‌ల్ కి వినిపించార‌ట‌. క‌థ విని క‌మ‌ల్ గ్రీన్ సిగ్న‌ల్ ఇచ్చార‌ని కోడంబాక‌మ్ క‌బురు.

టి.కె.రాజీవ్ కుమార్..ద‌ర్శ‌క‌త్వంలో క‌మ‌ల్ ప్ర‌స్తుతం ఓ సినిమా చేస్తున్నారు. తెలుగు, త‌మిళ‌, మ‌ల‌యాళ భాష‌ల్లో రూపొందుతున్న ఈ చిత్రానికి తెలుగులో అమ్మా..నాన్న ఆట అనే టైటిల్ ఫిక్స్ చేసారు. ఈ సినిమాలో అక్కినేని అమ‌ల‌, జ‌రీనా వ‌హాబ్ కూడా న‌టిస్తుండ‌డం విశేషం. అయితే క‌మ‌ల్, శ్రుతి తండ్రీ కూత‌రుగా ఈ సినిమాలోనే న‌టిస్తున్నారా...? లేక వేరే సినిమాలో న‌టిస్తున్నారా అనేది తెలియాల్సి ఉంది.