பிரபல இயக்குனரின் படத்தில் முதல்முறையாக கார்த்திக்-கவுதம் கார்த்திக்
- IndiaGlitz, [Sunday,October 01 2017]
தமிழ் சினிமாவில் தந்தை-மகன் இணைந்து நடிப்பது புதிதல்ல. சிவாஜி-பிரபு, சிவகுமார்-சூர்யா, சத்யராஜ்-சிபிராஜ், விஜயகாந்த்-சண்முகப்பாண்டியன் என உண்மையான தந்தை-மகன் நடித்த படங்கள் பல உள்ளது. அந்த வரிசையில் தற்போது கார்த்திக்-கவுதம் கார்த்திக் முதல்முறையாக இணைந்து ஒரு படத்தில் நடிக்க ஒப்பந்தமாகியுள்ளனர்.
நவரச நாயகன் கார்த்திக் மற்றும் அவரது மகன் கவுதம் கார்த்திக்கை இணைத்து படமெடுக்க பல இயக்குனர்கள் இதற்கு முன் முயற்சித்த போதிலும் சரியான கதை அமையாத காரணத்தால் இருவரும் இணைந்து நடிக்கவில்லை. தற்போது பிரபல இயக்குனர் திரு சொன்ன ஒரு கதை இருவரையும் ஆச்சரியப்படுத்தியதால் இந்த படத்தில் இருவரும் இணைந்து நடிக்க ஒப்புக்கொண்டுள்ளனர்.
படத்திலும் தந்தை-மகனாக நடிக்கவுள்ளதாகவும், இந்த படத்தை ஒரே ஷெட்யூலில் முடிக்கும் வகையில் இருவரும் மொத்தமாக கால்ஷீட் கொடுத்திருப்பதாகவும் தகவல்கள் உறுதிசெய்யப்பட்டுள்ளது. சமீபத்தில் வெளியாகி வெற்றி பெற்ற 'இவன் தந்திரன்' படத்தை வெளியிட்ட 'கிரியேட்டிவ் எண்டர்டெயின்மெண்ட்' நிறுவனம் தயாரிக்கவிருக்கும் இந்த படத்தின் டைட்டில், நடிகர் நடிகைகள் மற்றும் தொழில்நுட்ப கலைஞர்கள் குறித்த அறிவிப்பு வெளிவிரைவில் வெளிவரும் என்று அறிவிக்கப்பட்டுள்ளது.