ஐஸ்வர்யா ராஜேஷ் நடித்த ’பர்ஹானா’ என்ற திரைப்படம் இன்று திரையரங்குகளில் வெளியான நிலையில் இந்த படத்திற்கு பாசிட்டிவ் விமர்சனங்கள் குவிந்து வருகின்றன. படம் பார்த்த பலர் இந்த படம் மிகச் சிறப்பான படம் என்றும் எந்த விதமான மத துவேஷமும் இந்த படத்தில் இல்லை என்றும் கருத்து தெரிவித்து வருகின்றனர்.

ஆனால் ஒரு சில பிரிவினர் இந்த படத்திற்கு எதிர்ப்பு தெரிவித்து வரும் நிலையில் தயாரிப்பு நிறுவனம் நேற்று ஒரு நீண்ட அறிக்கை வெளியிட்டது என்பதும் அதில் விளக்கமாக இந்த படம் எந்த மதத்தையும் அவமதிக்கும் வகையில் உருவாக்கப்படவில்லை என்று தெரிவித்திருந்தது.

இந்த நிலையில் இன்று தமிழகம் முழுவதும் உள்ள திரையரங்குகளில் ’பர்ஹானா’ திரைப்படம் வெளியான நிலையில் திருவாரூரில் உள்ள திரையரங்கில் ’பர்ஹானா’ திரைப்படத்தின் காட்சிகள் ரத்து செய்யப்பட்டதாக திரையரங்க நிர்வாகம் தெரிவித்துள்ளது.

’பர்ஹானா’ படத்தை திரையிட கடும் எதிர்ப்பு கிளம்பிய நிலையில் காட்சிகள் ரத்து செய்யப்பட்டுள்ளதாக அறிவிக்கப்பட்டுள்ளது. திருவாரூரில் ஒரே ஒரு திரையரங்கில் மட்டும் தான் இந்த படம் வெளியான நிலையில் அந்த திரையரங்கிலும் காட்சிகள் ரத்து செய்யப்பட்டதால் ரசிகர்கள் பெரும் ஏமாற்றம் அடைந்துள்ளனர்.