ప్ర‌భాస్ ఫ్యాన్స్ ఇక పండుగ చేసుకుంటారేమో. మొన్న‌టికి మొన్న త‌మ స్టార్ బాహుబ‌లి సీరీస్‌తో ఇంట‌ర్నేష‌న‌ల్ స్థాయికి ఎదిగాడు.ఇప్పుడు 'సాహో' ఆ లెగ‌సీని కంటిన్యూ చేసేలాగే ఉంది. ఆ గ‌న్నులు, ఆ ఫైట్లు, ఆ లొకేష‌న్లు అవ‌న్నీ చూస్తుంటే అంత‌ర్జాతీయ ప్ర‌మాణాల‌తో ఆ సినిమాను రూపొందిస్తున్న‌ట్టు ఇట్టే క‌నిపిస్తోంది.

దాని త‌ర్వాత రాబోయే సినిమా ప్ర‌భాస్ న‌టిస్తున్న 20వ సినిమా. జిల్ ఫేమ్ రాధాకృష్ణ ద‌ర్శ‌క‌త్వం వ‌హించే ఈ సినిమాను గోపీ కృష్ణ మూవీస్‌, యువీ క్రియేష‌న్స్ క‌లిసి నిర్మిస్తున్నాయి. పూజా హెగ్డే నాయిక‌. సినిమా ప్రారంభానికి ముందు ప్ర‌భాస్‌, పూజా క‌లిసి ప్రాక్టీస్ సెష‌న్స్ కూడా చేశారు. ఒక షెడ్యూల్ ఆల్రెడీ షూట్ చేశారు. ఇప్పుడు హైద‌రాబాద్‌లో ఈ సినిమాకు సంబంధించి 18 సెట్లు వేస్తున్నార‌ట‌.

ఆర్ట్ డైర‌క్ట‌ర్ ర‌వీంద‌ర్ ఆధ్వ‌ర్యంలో ఇప్ప‌టికే ఈ ప‌నులు ప్రారంభ‌మ‌య్యాయి. పీరియాడిక్ డ్రామా కావ‌డంతో అప్ప‌టి ఇటాలియ‌న్ సిటీని ప్ర‌తిబింబించేలా ఈ సెట్లు ఉండ‌బోతున్నాయ‌ట‌. దీనికి సంబంధించి ర‌వీంద‌ర్ ఇప్ప‌టికే చాలా కృషి చేశారు. ఈ సినిమాకు సంబంధించినంత వ‌ర‌కు ఇప్ప‌టికి 3 సెట్లు వేశారు. హీరోయిన్ సెట్‌కు మాత్రం రూ.3కోట్లు ఖ‌ర్చుపెట్టారు. తాజాగా వేస్తున్న సెట్ల‌లో కీల‌క స‌న్నివేశాల‌ను చిత్రీక‌రిస్తారు. అది పూర్త‌యిన త‌ర్వాత యూనిట్ రోమ్ చేరుకుంటారు. అక్క‌డచేసే షూటింగ్‌తో చిత్రీక‌ర‌ణ మొత్తం పూర్త‌యిన‌ట్టేన‌ట‌. సో... ఇది నిజంగా ప్ర‌భాస్ ఫ్యాన్స్ కి పండుగ‌లాంటి వార్తే క‌దా