தயவுசெய்து அரசியலுக்கு வராதீர்கள்: விஜய் பட நடிகருக்கு வேண்டுகோள் விடுத்த ரசிகர்கள்..!
- IndiaGlitz, [Wednesday,April 05 2023]
நடிகர் விஜய் நடித்த ’புலி’ உள்பட பல திரைப்படங்களில் நடித்த பிரபல நடிகருக்கு தயவு செய்து அரசியலுக்கு வராதீர்கள் என ரசிகர்கள் கோரிக்கை விடுத்துள்ளனர்
விஜய் நடித்த ’புலி’ என்ற திரைப்படத்தில் வில்லன் கேரக்டரில் நடித்தவர் நடிகர் கிச்சா சுதீப். இவர் கன்னடத்தில் பிரபல நடிகராக இருக்கும் நிலையில், ஹீரோவாகவும் வில்லனாகவும் குணசித்திர கேரக்டரில் நடித்து வருகிறார்.
இந்த நிலையில் வரும் மே மாதம் கர்நாடக மாநிலத்தில் சட்டமன்ற தேர்தல் நடைபெற இருக்கும் நிலையில் பாஜகவுக்கு ஆதரவாக பிரச்சாரம் செய்யப் போவதாக பகிரங்கமாக இன்று அறிவித்தார். இதனால் அவரது ரசிகர்கள் கடும் அதிர்ச்சி அடைந்துள்ளனர்.
இது குறித்து ரசிகர்கள் wedontwantkicchainpolitics என்ற புதிய ஹேஷ்டேக்கை உருவாக்கி ’உங்களிடமிருந்து நல்ல படங்களை மட்டுமே நாங்கள் எதிர்பார்க்கிறோம், தயவு செய்து அரசியலுக்கு வராதீர்கள்’ என்று பதிவு செய்து வருகின்றனர்.
இந்த ஹேஷ்டேக் இந்திய அளவில் டிரெண்டாகி வரும் நிலையில் ரசிகர்களின் மன நிலையை புரிந்து கொண்டு கிச்சா சுதீப் தனது முடிவை மாற்றிக் கொள்வாரா? அல்லது பாஜகவுக்கு ஆதரவாக பிரச்சாரம் செய்வாரா? என்பதை பொறுத்திருந்துதான் பார்க்க வேண்டும்.