బాలకృష్ణ 106... ఫ్యాన్సీ ఆఫ‌ర్‌తో డీల్ పూర్తి..!
- IndiaGlitz, [Wednesday,February 10 2021]
సూప‌ర్ హిట్ కాంబినేష‌న్స్‌కి ఉండే క్రేజే వేరు. సినిమా సెట్స్‌పై ఉండ‌గానే బిజినెస్ డీల్స్ పూర్తై పోతుంటాయి. అలాంటి ఓ కాంబినేష‌న్‌లో నంద‌మూరి బాలకృష్ణ, డైరెక్ట‌ర్ బోయ‌పాటి శ్రీనుల‌ది. వీరి కాంబినేష‌న్‌లో ఇది వ‌ర‌కు సింహా, లెజెండ్ చిత్రాలు బాక్సాఫీస్ వ‌ద్ద సెన్సేష‌న్‌ను క్రియేట్ చేశాయి. దీంతో వీరి మూడో కాంబినేష‌న్‌లో రూపొందుతోన్న సినిమాపై భారీ అంచ‌నాలు నెల‌కొన్నాయి. తాజాగా ఇండ‌స్ట్రీలో వినిపిస్తోన్న స‌మాచారం మేర‌కు ఈ సినిమా థియేట్రిక‌ల్ రైట్స్‌ను ఆంధ్ర ఏరియాలో రూ.36కోట్ల‌కు డీల్ పూర్తి చేశార‌ట. కాంబినేష‌న్‌పై ఉండే క్రేజ్ కార‌ణంగానే ఫ్యాన్సీ ఆఫ‌ర్స్ వ‌స్తున్నాయ‌ని టాక్‌.
సినిమాను మే 28న విడుద‌ల చేస్తామ‌ని నిర్మాత‌లు ఇప్ప‌టికే ప్ర‌క‌టించారు. అర‌వై శాతం చిత్రీక‌ర‌ణ పూర్త‌య్యింది. ఈ నెల‌లో ప్రారంభం కాబోయే కొత్త షెడ్యూల్‌ను కంటిన్యూగా ప్లాన్ చేశారు. ఈ షెడ్యూల్‌తో సినిమా చిత్రీక‌ర‌ణ దాదాపు పూర్త‌వుతుంద‌ట. ఈ చిత్రానికి మోనార్క్ అనే టైటిల్ ప‌రిశీల‌న‌లో ఉంది. ఇందులో బాలకృష్ణ రెండు పాత్ర‌ల్లో క‌నిపిస్తార‌ని, అందులో ఓ పాత్ర అఘోర పాత్ర అని టాక్‌. ద్వార‌కా క్రియేష‌న్స్ బ్యాన‌ర్‌పై మిర్యాల ర‌వీంద‌ర్ రెడ్డి ఈ చిత్రాన్ని నిర్మిస్తున్నారు.