సినిమాల్లో నటిస్తారా అని కేటీఆర్‌ను అడగ్గా..!
- IndiaGlitz, [Monday,December 30 2019]
తెలంగాణ మంత్రి కేటీఆర్ సోషల్ మీడియాలో యమా యాక్టివ్‌గా ఉంటారన్న విషయం తెలిసిందే. అప్పుడప్పడు కేటీఆర్ ప్రత్యేకంగా ఫ్యాన్స్, నెటిజన్లతో ట్విట్టర్ వేదికగా మాట్లాడుతుంటారు. ఈ క్రమంలో ఇయర్ ఎండింగ్‌ కావడంతో ఆదివారం నాడు ‘ఆస్క్‌ కేటీఆర్’లో పలువురు నెటిజన్లు సుమారు గంటన్నరపాటు పలు ప్రశ్నలు సంధించారు. ఈ సందర్భంగా వారు అడిగిన ప్రశ్నలకు చాలా లాజిక్‌గా.. కూల్‌గా కేటీఆర్ సమాధానాలిచ్చారు.
సినిమాల్లో నటిస్తారా!?
‘ఆస్క్‌ కేటీఆర్’లో భాగంగా ఓ వీరాభిమాని వెరైటీగా ప్రశ్న అడిగాడు. ఒకవేళ సినిమాల్లో నటించే అవకాశం వస్తే ఎలాంటి సినిమాల్లో నటిస్తారు..? అంతేకాదు మీకు నటించాలనే కోరికవుంటే అవకాశం ఇస్తామని కూడా చెప్పారు. ఇందుకు కేటీఆర్ సమాధానమిచ్చారు.‘థాంక్స్.. యంగ్‌మెన్. నాకు ఫుల్ టైమ్ జాబ్ ఉంది. నాకు అంత సమయం లేదు’ అని చెప్పుకొచ్చారు. కాగా ఆ నెటిజన్ తన ప్రశ్నకు కేటీఆర్ సమాధానమిచ్చారు.. పైగా థ్యాంక్స్ కూడా చెప్పారంటూ ప్రింట్ స్క్రీన్‌తీసి పెద్ద ఎత్తున షేర్ చేసుకుంటున్నాడు.
20 లక్షల మంది ఫాలోవర్లు!
కాగా.. మరో నెటిజన్ అడిగిన ప్రశ్నకు.. హైదరాబాద్‌ను అద్భుత నగరంగా, పర్యాటకులను ఆకర్షించే విధంగా తీర్చిదిద్దుతామని స్పష్టం చేశారు. హైదరాబాద్‌ నగరంలో సమగ్ర రోడ్ల నిర్వహణ ప్రారంభమైందని, త్వరలోనే మార్పు కనిపిస్తుందని తెలిపారు. తనకు మంత్రి పదవికన్నా పార్టీ పదవే విలువైనదని స్పష్టంచేశారు. 2009లో రోడ్లపైన తెలంగాణ కోసం ఉద్యమాలు చేసిన పరిస్థితి నుంచి 2019లో మంత్రిస్థాయిలో పాలన వరకు పరిణామక్రమాన్ని ‘టెన్‌ ఇయర్స్‌ చాలెంజ్‌' అంటూ అభివర్ణించారు. కేటీఆర్‌కు ట్విట్టర్‌లో దాదాపు 20 లక్షల మంది ఫాలోవర్లు ఉన్నారు.