ஐபிஎல் தொடக்க விழாவில் பிரபல தமிழ் நடிகை
- IndiaGlitz, [Wednesday,April 04 2018]
ஒவ்வொரு ஆண்டும் நடைபெற்று வரும் ஐபிஎல் கிரிக்கெட் திருவிழாவின் ஹைலைட்டே போட்டியின் தொடக்க விழாவும் இறுதி விழாவும் தான் என்பதும் குறிப்பாக ஐபிஎல் போட்டியின் தொடக்க விழாவில் பிரபல திரை நட்சத்திரங்கள் கலந்து கொண்டு நிகழ்ச்சியினை சிறப்பித்து வருவது தெரிந்ததே
கடந்த ஆண்டு ஐபிஎல் தொடக்கவிழாவில் டைகர் ஷெராப், ஷராதா கபூர், ப்ரினிதி சோப்ரா, எமிஜாக்சன் போன்றோர் கலை நிகழ்ச்சிகளில் கலந்து கொண்ட நிலையில் இந்த ஆண்டு ஜாக்குலின் பெர்னாண்டஸ், வருண்தவான், ஹிருத்திக் ரோஷன் மற்றும் ப்ரினிதி சோப்ரா ஆகியோர் கலந்து கொள்ளவுள்ளனர்.
இந்த நிலையில் தென்னிந்திய ரசிகர்கள் மகிழ்ச்சி அடையும் வகையில் தற்போது தொடக்க விழா நிகழ்ச்சியில் நடிகை தமன்னாவும் கலந்து கொண்டு சூப்பர் டான்ஸ் ஒன்றை நிகழ்த்தவுள்ளதாக செய்திகள் வெளிவந்துள்ளது. மேலும் இந்த நிகழ்ச்சியில் கலந்து கொள்வதாக இருந்த ரன்வீர்சிங், உடல்நலக்கோளாறு காரணமாக கலந்து கொள்ளவில்லை என்பது அவரது ரசிகர்களுக்கு ஒரு வருத்தமான செய்தியே.
கடந்த ஆண்டை போலவே இந்த ஆண்டும் தொடக்க விழா நிகழ்ச்சி வண்ணமயமாக கலைகட்டும் என்று எதிர்பார்க்கப்படுகிறது.