Manobala : చిత్ర పరిశ్రమలో విషాదం.. హాస్యనటుడు మనోబాల కన్నుమూత
- IndiaGlitz, [Wednesday,May 03 2023]
చిత్ర పరిశ్రమలో విషాదం చోటు చేసుకుంది. కోలీవుడ్‌కు చెందిన హాస్య నటుడు, దర్శకుడు మనోబాల కన్నుమూశారు. ఆయన వయసు 69 సంవత్సరాలు. గత కొంతకాలంగా అనారోగ్యంతో బాధపడుతున్న ఆయన బుధవారం ఓ ఆసుపత్రిలో చికిత్స పొందుతూ తుదిశ్వాస విడిచారు. తమిళంలో హాస్యనటుడిగా పేరు తెచ్చుకున్న ఆయన డబ్బింగ్ సినిమాల ద్వారా తెలుగువారిని అలరించారు. తెలుగులో మహానటి, దేవదాసు, రాజ్‌దూత్, వాల్తేర్ వీరయ్య వంటి సినిమాల ద్వారా కడుపుబ్బా నవ్వించారు. మనోబాల మృతిపట్ల పలువురు సినీ ప్రముఖులు, అభిమానులు సోషల్ మీడియా ద్వారా దిగ్భ్రాంతి వ్యక్తం చేస్తున్నారు.