ఎస్.జానకి ఆరోగ్యంపై వదంతులు.. వివరణనిచ్చిన కుటుంబ సభ్యులు
- IndiaGlitz, [Monday,June 29 2020]
భారతీయ ప్రముఖ నేపథ్య గాయని ఎస్.జానకి గురించి ఒక్కసారిగా వదంతులు వ్యాపించాయి. సోషల్ మీడియాలో ప్రముఖుల గురించిన రూమర్స్ కామన్‌గానే వస్తుంటాయి కానీ ఇక వారు లేరన్న వదంతులు స్ప్రెడ్ అయితే మాత్రం వారి కుటుంబ సభ్యులతో పాటు అభిమానులను సైతం కలచివేస్తాయి. జానకమ్మ విషయంలోనూ ఇలాంటి వదంతులే వ్యాపించాయి. దీంతో ఆమె కుటుంబ సభ్యులు తీవ్ర ఆవేదనకు గురయ్యారు. దీనిపై జానకమ్మ కుటుంబ సభ్యులు వివరణ ఇచ్చారు.
ఏదో చిన్న అనారోగ్య సమస్య కారణంగా ఆమెకు మైనర్ సర్జరీ జరిగిందని.. ప్రస్తుతం కోలుకుంటున్నారని తెలిపారు. బయట వినిపించే వార్తలను నమ్మవద్దన్నారు. ఆమె క్షేమంగా ఉన్నారన్నారు. దయచేసి ఇలాంటి వార్తలను నమ్మవద్దని జానకమ్మ కుటుంబ సభ్యులు సూచించారు. జానకమ్మ తెలుగులోనే కాకుండా పలు భాషల్లో 50 వేలకు పైగా పాటలు పాడారు. ఉత్తమ గాయనిగా వివిధ రాష్ట్రాల నుంచి 31 సార్లు, జాతీయ పురస్కారం 4 సార్లు అందుకున్నారు. కాగా ఇటీవల తానిక పాటలు పాబోనంటూ ఓ స్టేజ్‌పై నిర్ణయం తీసుకున్నప్పటి నుంచి జానకమ్మ పాటలు పాడటం లేదు.