വ്യത്യസ്Âതമായ പ്രേത കഥയുമായി മൈഥിലി
- IndiaGlitz, [Thursday,July 06 2017]
മലയാളത്തിൽ പ്രേതസിനിമകൾ അനവധിയാണെങ്കിലും സി.എഫ്.എൽ ബൾബിനെ കേന്ദ്രമാക്കി മലയാളത്തിൽ ഇതുവരെ ഒരു പ്രേതസിനിമ ഇറങ്ങിയിട്ടില്ല. നവാഗതനായ സാബു വർഗീസാണ് ഇത്തരത്തിൽ വ്യത്യസ്‌തമായ ഒരു പ്രമേയവുമായി എത്തുന്നത്. 'മൈഥിലി വീണ്ടും വരുന്നു' എന്ന് പേരിട്ടിരിക്കുന്ന സിനിമയുടെ ചിത്രീകരണം തമിഴ്നാട്, ഗോവ, കേരളം എന്നിവിടങ്ങളിലായി പൂർത്തിയായി കഴിഞ്ഞു.
ലോകത്ത് ആദ്യമായാണ് ബൾബിനെ കേന്ദ്രമാക്കി ഒരു ഹൊറർ സിനിമ ഒരുങ്ങുന്നത്. തീയവൻ, കനവു കാതലൻ, നീയേൻ കാതലി' തുടങ്ങി നിരവധി തമിഴ് ചിത്രങ്ങളിലൂടെ ശ്രദ്ധേയനായ ഉദയ് ആണ് ചിത്രത്തിലെ നായകൻ. നിരവധി മലയാള തമിഴ് ചിത്രങ്ങളിലൂടെ ശ്രദ്ധേയയായ ശിവാനിയാണ് നായിക. ഐ. എം. വിജയൻ, സന്താനം, കിരൺരാജ് എന്നീ പ്രമുഖ നടന്മാരും പ്രധാനവേഷത്തിലെത്തുന്നു. തമിഴ്, മലയാളം എന്നീ ഭാഷകളിലായി ഒരുങ്ങുന്ന ചിത്രം ആലുംമൂട്ടിൽ ഫിലിംസ് ഇന്റർനാഷണലിനുവേണ്ടി രാജീവ് മാത്യുവാണ് നിർമ്മിക്കുന്നത്. ജൂലൈ ആദ്യവാരം ചിത്രം തീയേറ്ററുകളിലെത്തും.