'ఎఫ్ 2' తో దిల్‌రాజుకు అక్క‌డా లాభమే!
- IndiaGlitz, [Thursday,January 31 2019]
వందకోట్లు వసూళ్లు చేసింది.. వెంకటేష్, వరుణ్ తేజ్ హీరోలుగా నటించిన 'ఎఫ్ 2'. సినిమా కాప్షన్‌లో 'ఫన్ & ఫ్రస్ట్రేషన్' అని వుంది గానీ.. సినిమాలో ఫన్ మాత్రమే ప్రేక్షకులను ఆకట్టుకుంది. దర్శకుడు అనిల్ రావిపూడి రాసిన డైలాగులు, సన్నివేశాలు ప్రేక్షకులను నవ్విస్తున్నాయి. సంక్రాంతికి విడుదలైన ఈ సినిమాతో నిర్మాత దిల్‌రాజుకు లాభాలు భారీగా వచ్చాయి.
తెలుగులో మాత్రమే కాదు... 'ఎఫ్2'తో తమిళ, హిందీ భాషల్లోనూ దిల్‌రాజుకు లాభమే. ఎలా ఎలా? అనుకుంటున్నారా!! ఈ సినిమాను అక్కడ భాషల్లో రీమేక్ చేయడానికి పలువురు దర్శకులు, నిర్మాతలు ఆసక్తి చూపిస్తున్నారని దిల్ రాజు చెప్పారు. హిందీలో రోజుకు ఇద్దరు ముగ్గురు హీరోలు సినిమా చూస్తున్నారు. హీరోలను బట్టి దర్శకుడు ఖరారు అవుతాడు. వీలైతే హిందీలో నేనే నిర్మిస్తా. లేదంటే ఎవరో ఒకరి భాగస్వామ్యంతో తీస్తా. హిందీకి వెళితే.. తెలుగులో ప్రస్తుతం చేస్తున్న, చేయాల్సిన సినిమాలకు ఆటంకటం కలుగుతుంది అని దిల్ రాజు తాజా ఇంటర్వ్యూలో తెలిపారు.