చైతు హీరోయిన్ గురించి ఎక్స్ క్లూజివ్ డీటైల్స్..!
- IndiaGlitz, [Tuesday,August 09 2016]
చైతన్య న‌టించిన సాహ‌సం శ్వాస‌గా సాగిపో, ప్రేమ‌మ్ చిత్రాలు రిలీజ్ కి రెడీ అవుతుంటే...మ‌రో వైపు క‌ళ్యాణ్ కృష్ణ దర్శకత్వంలో కొత్త చిత్రాన్ని ప్రారంభించేందుకు ప్లాన్ చేస్తున్నాడు. ఈ చిత్రాన్ని అన్న‌పూర్ణ స్టూడియోస్ బ్యానర్ పై నాగార్జున నిర్మిస్తున్నారు. ప్ర‌స్తుతం స్ర్కిప్ట్ వ‌ర్క్ జ‌రుపుకుంటున్న ఈ చిత్రాన్ని త్వ‌ర‌లో ప్రారంభించ‌నున్నారు. ఇదిలా ఉంటే...ఈ చిత్రంలో చైతన్య స‌ర‌స‌న స‌మంత న‌టింనున్న‌ట్టు వార్త‌లు వ‌చ్చాయి. ఏమాయ చేసావే, ఆటోన‌గ‌ర్ సూర్య, మ‌నం త‌ర్వాత నాలుగోసారి చైతు, సామ్ జంట క‌లిసి న‌టిస్తున్నారు అంటూ ప్ర‌చారం జ‌రిగింది. అయితే...చైతు, సామ్ ల‌వ్ లో ఉన్నారు...త్వ‌ర‌లో పెళ్లి చేసుకోనున్నారు అని ప్ర‌చారంలో ఉండ‌డం వ‌ల‌నో, మ‌రో కార‌ణం వ‌ల‌నో స‌మంత‌ను త‌ప్పించి ఆ ప్లేస్ లో ర‌కుల్ ప్రీత్ సింగ్ ఫైన‌ల్ చేసారు.
చైతు - ర‌కుల్ ఫ‌స్ట్ టైమ్ క‌లిసి న‌టించ‌నున్నారు. వీరి జోడి బాగుంటుంది చూడ‌ముచ్చ‌ట‌గా ఉంటుంది అనుకున్నారు. ఇంత‌లో ఏమైందో...ఏమో కానీ ర‌కుల్ ప్రీత్ సింగ్ ను త‌ప్పించి మిల్కీ బ్యూటీ త‌మ‌న్నాను సెలెక్ట్ చేసారంటూ మ‌రో ప్ర‌చారం మొద‌లైంది. చైతు, త‌మ‌న్నా క‌లిసి 100% ల‌వ్, త‌డాఖా చిత్రాల్లో క‌లిసి న‌టించారు. ఈ రెండు చిత్రాలు స‌క్సెస్ అయిన విష‌యం తెలిసిందే. సెంటిమెంట్ ప్ర‌కారం త‌మ‌న్నాను సెలెక్ట్ చేసారంటూ వార్త‌లు వ‌స్తున్నాయి. అయితే...ఈ వార్త‌ల్లో వాస్త‌వం తెలుసుకునేందుకు డైరెక్టర్ క‌ళ్యాణ్ కృష్ణ‌ను సంప్ర‌దిస్తే...చైతు సినిమాలో హీరోయిన్ త‌మ‌న్నా అంటూ వ‌స్తున్న వార్త‌ల్లో వాస్త‌వం లేదు అని తెలియ‌చేసారు. సో....చైతు మూవీలో హీరోయిన్ త‌మ‌న్నా కాదు ర‌కుల్ ప్రీత్ సింగ్ అనేది క‌న్ ఫ‌ర్మ్.