ఓం నమో వేంకటేశాయ లో నాగ్ న్యూగెటప్ (ఎక్స్ క్లూజీవ్..)
- IndiaGlitz, [Thursday,November 24 2016]
న‌వ‌ర‌స స‌మ్రాట్ నాగార్జున - ద‌ర్శ‌కేంద్రుడు రాఘ‌వేంద్ర‌రావు కాంబినేష‌న్లో రూపొందుతున్న భ‌క్తిర‌స చిత్రం ఓం నమో వేంకటేశాయ. ఈ చిత్రాన్ని శిరిడి సాయి చిత్ర నిర్మాత మ‌హేష్ రెడ్డి సాయికృపా ఎంట‌ర్ టైన్మెంట్ బ్యాన‌ర్ పై నిర్మిస్తున్నారు. ఈ చిత్రంలో అందాల తార‌లు అనుష్క, ప్ర‌గ్యా జైస్వాల్, విమ‌లారామ‌న్ ప్ర‌ధాన పాత్ర‌లు పోషిస్తున్నారు. హ‌థీరామ్ బాబా జీవిత క‌థ ఆధారంగా తెర‌కెక్కిస్తున్న ఈ చిత్రంలో నాగార్జున లుక్ ను గ‌తంలో రిలీజ్ చేసారు. అయితే...ఇటీవ‌ల నాగార్జున పై ఓ పాట‌ను చిత్రీక‌రించారు.
ఈ పాట‌లో కింగ్ లా ఉన్న నాగ్ గెట‌ప్ విశేషంగా ఆక‌ట్టుకుంటుంది. స్వ‌ర‌వాణి కీర‌వాణి ఈ భ‌క్తిర‌స చిత్రానికి సంగీతం అందిస్తున్నారు. శ‌ర‌వేగంగా షూటింగ్ జరుపుకుంటున్న ఓం నమో వేంకటేశాయ చిత్రాన్ని ఫిబ్ర‌వ‌రిలో రిలీజ్ చేయ‌నున్న‌ట్టు స‌మాచారం. అన్న‌మ‌య్య, శ్రీరామ‌దాసు, శిరిడి సాయి చిత్రాల వ‌లే అన్నివ‌ర్గాల ప్రేక్ష‌కుల‌ను ఆక‌ట్టుకుని ఓం నమో వేంకటేశాయ అథ్యాత్మిక అద్భుత చిత్రంగా నిలుస్తుంద‌ని ఆశిద్దాం..!