'பைரவா' படத்திற்கு பின்னர் விஜய் நடிக்கவுள்ள 61வது படத்தின் படப்பிடிப்பு வரும் பிப்ரவரி முதல் தொடங்கவுள்ள நிலையில் இந்த படத்தின் நட்சத்திரங்கள் மற்றும் தொழில்நுட்ப டீம் கிட்டத்தட்ட தயாராகிவிட்டது.

நடிகர், நடிகைகள் பட்டியலில் விஜய், காஜல் அகர்வால், சமந்தா, ஜோதிகா, வடிவேலு, எஸ்.ஜே.சூர்யா, சத்யராஜ், சத்யன் மற்றும் கோவை சரளா ஆகியோர் முக்கிய வேடங்களில் நடிக்கின்றனர்.

மேலும் ஸ்ரீதேனாண்டாள் பிலிம்ஸ் நிறுவனம் தயாரிக்கும் இந்த படத்திற்கு இசை ஏ.ஆர்.ரஹ்மான், ஒளிப்பதிவு ஜி.கே.விஷ்ணு, படத்தொகுப்பு ஆண்டனி ரூபன், புரடொக்ஷன் டிசைன் டி.முத்துராஜ் ஆகியோர் பணிபுரிகின்றனர்.

'விஜய் 61' படத்தின் டீம் இதுதான் என்று செய்திகள் வெளிவந்து கொண்டிருக்கும் நிலையில் படப்பிடிப்பு தொடங்கும் முன் இதுகுறித்த அதிகாரபூர்வமான அறிவிப்பு வெளிவரும் என்று எதிர்பார்க்கப்படுகிறது.