close
Choose your channels

இன்று முதல் ஓப்பன் ஆகும் டாஸ்மாக்: எல்லை தாண்ட தயாராகும் சென்னை 'குடி'மகன்கள்

Thursday, May 7, 2020 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

தமிழகம் உள்பட இந்தியா முழுவதும் கொரோனா வைரஸ் தாக்கம் கடந்த சில வாரங்களாக அதிகமாக இருந்த காரணத்தினால் ஊரடங்கு உத்தரவு பிறப்பிக்கப்பட்டு தற்போது மூன்றாம் கட்ட ஊரடங்கு அமலில் உள்ளது. இந்த நிலையில் கடந்த 40 நாட்களுக்கு மேலாக டாஸ்மாக் கடைகளை இயங்கவில்லை என்பது குறிப்பிடத்தக்கது. இந்த நிலையில் இன்று முதல் சென்னை தவிர தமிழகத்தின் பிற பகுதிகளில் டாஸ்மாக் கடைகள் திறக்கப்படுகின்றன. மேலும் டாஸ்மாக் கடைகளுக்கு தேவையான பாதுகாப்புகள் மற்றும் மது வாங்க வருபவர்களுக்கு அறிவுறுத்தல்கள் ஆகியவைகளை நேற்றே காவல்துறையினர் வெளியிட்டு இருந்தனர் என்பது குறிப்பிடத்தக்கது.

இந்த நிலையில் சென்னையில் நாளுக்கு நாள் கொரோனா பாதிப்பு அதிகமாகியதை அடுத்து சென்னையில் மட்டும் டாஸ்மாக் கடைகள் திறக்கப்படாது என்றும் சென்னையில் டாஸ்மாக் கடைகள் திறக்கும் தேதி பின்னர் அறிவிக்கப்படும் என்றும் தமிழக அரசு ஏற்கனவே அறிவித்திருந்தது. இருப்பினும் சென்னையைச் சேர்ந்த ’குடி’மகன்கள் சென்னைக்கு அருகில் உள்ள செங்கல்பட்டு, காஞ்சிபுரம் மற்றும் திருவள்ளூர் மாவட்டத்திற்கு சென்று மது பாட்டில்களை வாங்க வாய்ப்பு இருப்பதாக கருதப்படுகிறது

இதனையடுத்து சென்னை குடிமக்கள் மாவட்ட எல்லை தாண்டி மதுபாட்டில்கள் வாங்குவதை தவிர்க்க சில நடவடிக்கைகள் எடுக்கப்பட்டுள்ளது. இதனை அடுத்து செங்கல்பட்டு, காஞ்சிபுரம் மற்றும் திருவள்ளூர் மாவட்டங்களில் உள்ள மதுக் கடைகளில் இருப்பிட முகவரியுடன் கூடிய அடையாள அட்டை இருந்தால் மட்டுமே மதுபானங்கள் வழங்கப்படும் என்று அறிவிக்கப்பட்டுள்ளது. மேலும் சென்னையில் உள்ளவர்கள் அண்டை மாவட்டத்திற்கு சென்று மதுபாட்டில் வாங்குவது உறுதி செய்யப்பட்டால் கைது நடவடிக்கை எடுக்கப்படும் என்று போலீசார் எச்சரித்துள்ளனர். எனவே சென்னை குடிமக்கள் சென்னையில் டாஸ்மாக் கடைகள் திறக்கும் வரை பொறுமையுடன் இருப்பார்களா என்பதை பொறுத்திருந்துதான் பார்க்க வேண்டும்

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Comments

Welcome to IndiaGlitz comments! Please keep conversations courteous and relevant to the topic. To ensure productive and respectful discussions, you may see comments from our Community Managers, marked with an "IndiaGlitz Staff" label. For more details, refer to our community guidelines.
settings
Login to post comment
Cancel
Comment