முன்னாள் தமிழக முதல்வர் ஜெயலலிதாவின் தோழி சசிகலா, சொத்துக்குவிப்பு வழக்கில் சிறை தண்டனை விதிக்கப்பட்டு பெங்களூர் சிறையில் தண்டனை அனுபவித்து வருகிறார். இந்த நிலையில் சசிகலா தரப்பினரிடம் ரூ.2 கோடி பெற்று சிறையில் சிறப்பு சலுகை செய்து கொடுத்ததாக முன்னாள் சிறைத்துறை டி.ஐ.ஜி.த ரூபா குற்றச்சாட்டின் பேரில் கர்நாடக மாநில முன்னாள் டிஜிபி சத்தியநாராயண ராவ் மீது வழக்குப்பதிவு செய்யப்பட்டது.

இந்த நிலையில் கர்நாடக ஐகோர்ட்டில் முன்னாள் டிஜிபி சத்தியநாராயணா புதிய மனு ஒன்றை தாக்கல் செய்துள்ளார். அந்த மனுவில் முதலமைச்சர் சித்தராமையா கூறியதால், சசிகலாவுக்கு சிறையில் கட்டில், தலையணை போன்ற சில சலுகைகள் வழங்கியதாக குறிப்பிட்டுள்ளார்.

ஆனாலும் சத்தியநாராணராவின் குற்றச்சாட்டை கர்நாடக முதல்வர் சித்தராமையா மறுத்துள்ளார். இதுகுறித்து செய்தியாளர்களிடம் கூறிய சித்தராமையா, தமிழகத்தில் இருந்து வந்து சிலர் தம்மைச் சந்தித்து, சசிகலாவுக்கு பாய், தலையணைகூட வழங்கப்படவில்லை என்று முறையிட்டதாகவும், சிறைவிதிகளின் படி சசிகலாவுக்கு அளிக்க வேண்டிய வசதிகளை மட்டுமே வழங்க அதிகாரிகளுக்கு தாம் உத்தரவிட்டதாகவும் அவர் தெரிவித்தார்.