అంతా రివర్సే...
- IndiaGlitz, [Friday,June 30 2017]
తెలుగులో 'నేను శైలజ' సినిమాతో హిట్ కొట్టిన చెన్నై సొగసరి కీర్తి సురేష్‌. ఇప్పుడు ఈ అమ్మడు అలనాటి మహానటి సావిత్రిపై రూపొందుతున్న బయోపిక్ 'మహానటి'లో నటిస్తుంది. ఈ సినిమా చిత్రీకరణ మొదలైంది. 'ఎవడే సుబ్రమణ్యం' ఫేమ్‌ నాగ అశ్విన్‌ ఈ సినిమాను తెరకెక్కిస్తున్నాడు. ఈ సినిమా కోసం కీర్తి సురేష్‌ బరువు పెరుగుతుందని, దీని కారణంగా తెలుగులో కీర్తి చేయబోయే మిగతా సినిమాల్లో ఆమె లావుగా కనపడుతుందని సోషల్‌ మీడియాలో వార్తలు వచ్చాయి. అయితే కీర్తి సురేష్‌ మాత్రం ఇప్పుడు వినపడుతున్న వార్తలన్నీ పూర్తి రివర్స్‌గా ఉన్నాయని చెప్పుకొచ్చింది.
కీర్తి సురేష్‌ తెలుగులో చేస్తున్న పవన్‌కళ్యాణ్‌, త్రివిక్రమ్‌ సినిమాతో పాటు సూర్య, విక్రమ్‌, విశాల్‌ సినిమాల్లో నటిస్తుందట. ఆ కారణంగా బరువు తగ్గానే కానీ పెరగలేదు. ఇక సావిత్రి బయోపిక్‌లో సావిత్రి పాత్ర కోసం ప్రాస్తటిక్‌ మేకప్‌ను ఉపయోగిస్తారని తెలిపింది. దీంతో కీర్తి సురేష్‌ బరువు పెరుగుతుందని వినిపిస్తున్న వార్తల్లో నిజం లేదని తెలియడమే కాక, అసలు విషయమేంటనేది క్లారిటీ ఇచ్చినట్టయ్యింది. తెలుగు, తమిళంలో బిజీ హీరోయిన్‌గా మారిన కీర్తి సురేష్‌ చేతి నిండా సినిమాలతో బిజీ బిజీగా మారింది.