రిలీజ్ కాక‌ముందే...
- IndiaGlitz, [Thursday,March 07 2019]
నిజ జీవితంలో పెళ్లి చేసుకున్న హీరో నాగ‌చైత‌న్య, హీరోయిన్ సమంత పెళ్లి త‌ర్వాత జంట‌గా న‌టిస్తోన్న చిత్రం 'మ‌జిలీ'. శివ‌నిర్వాణ ద‌ర్శ‌క‌త్వంలో షైన్ స్క్రీన్స్ బ్యాన‌ర్‌పై సాహు గార‌పాటి, హ‌రీష్ పెద్ది ఈ చిత్రాన్ని నిర్మిస్తున్నారు. స‌మంత‌తో పాటు దివ్యాంశిక కౌశిక్ మ‌రో హీరోయిన్‌గా న‌టిస్తున్నారు.
ఈ సినిమా ఏప్రిల్ 5న విడుద‌ల‌వుతుంది. విడుద‌ల‌కు ముందే సినిమా నిర్మాత‌ల‌కు లాభాల‌ను తెచ్చిపెట్టింది. వివ‌రాల్లోకెళ్తే.. సినిమా శాటిలైట్ హ‌క్కుల‌ను జెమినిటీవీవారు 5 కోట్ల‌కు ద‌క్కించుకుంటే.. డిజిట‌ల్ హ‌క్కులు 3కోట్ల‌కు అమ్ముడ‌య్యాయి. ఇక హిందీ అనువాద హ‌క్కులు 4.5 కోట్ల‌కు ద‌క్కించుకుంది. మొత్తంగా సినిమా విడుద‌ల‌కు ముందే 12.5 కోట్ల రూపాయ‌ల‌ను నిర్మాత‌ల‌కు ద‌క్కేలా చేసింది.