యూరప్ లో రెండు పాటల చిత్రీకరణ పూర్తి చేసుకున్న మెగాస్టార్ ఖైదీ నెం 150..!
- IndiaGlitz, [Sunday,November 20 2016]
మెగాస్టార్ చిరంజీవి న‌టిస్తున్న150వ చిత్రం ఖైదీ నెం 150. ఈ చిత్రాన్ని డైన‌మిక్ డైరెక్ట‌ర్ వినాయ‌క్ తెర‌కెక్కిస్తున్నారు. కొణిదెల ప్రొడ‌క్ష‌న్ కంపెనీ బ్యాన‌ర్ పై మెగా ప‌వ‌ర్ స్టార్ రామ్ చ‌ర‌ణ్ ప్ర‌తిష్టాత్మ‌కంగా ఈ చిత్రాన్ని నిర్మిస్తున్నారు. ఈ చిత్రంలోని రెండు పాటలను చిరంజీవి, కాజ‌ల్ ల‌పై స్లొవేనియా, క్రొయేషియాలో చిత్రీక‌రించారు. ఈ రెండు పాటలను శేఖ‌ర్, జానీ మాస్ట‌ర్స్ నృత్య ద‌ర్శ‌క‌త్వంలో చిత్రీక‌రించారు. ఈ రెండు పాటల చిత్రీకరణ పూర్తి చేసుకుని ఖైదీ నెం 150 టీమ్ ఇండియాకు బ‌య‌లుదేరింది. సంగీత సంచ‌ల‌నం దేవిశ్రీప్ర‌సాద్ ఈ చిత్రానికి సంగీతం అందిస్తున్నారు. ఈ భారీ చిత్రాన్ని సంక్రాంతి కానుక‌గా రిలీజ్ చేయ‌డానికి ప్లాన్ చేస్తున్నారు.