சன் டிவியில் ஒளிபரப்பாகி வரும் ’எதிர்நீச்சல்’ சீரியலில் ஆதி குணசேகரன் என்ற கேரக்டரில் நடித்த நடிகர் ஜி மாரிமுத்து திடீரென காலமாகிவிட்ட நிலையில் அவரது கேரக்டரில் நடிப்பது யார் என்ற குழப்பம் நீடித்து வருகிறது.

ஏற்கனவே வேல ராமமூர்த்தியிடம் சீரியல் குழுவினர் பேச்சுவார்த்தை நடத்தியதாகவும் ஆனால் அவர் திரைப்படங்களில் பிசியாக நடித்துக் கொண்டிருப்பதால் இந்த வாய்ப்பை ஏற்பது கடினம் என்று கூறியதாகவும் செய்திகள் வெளியாகின.

இந்த நிலையில் தற்போது வந்திருக்கும் தகவல்படி ராதாரவி, பசுபதி மற்றும் இளவரசு ஆகியவர்களிடம் பேச்சுவார்த்தை நடத்தப்பட்டு வருவதாகவும் இருந்த மூவரில் பசுபதி இந்த சீரியலில் நடிக்க அதிக வாய்ப்பு இருப்பதாகவும் கூறப்படுகிறது.

ஆதி குணசேகரன் கேரக்டரில் நடிப்பது யார் என்பது குறித்த தகவலை சன் டிவி விரைவில் அதிகாரப்பூர்வமாக அறிவிக்கும் என்று எதிர்பார்க்கப்படுகிறது.