'எதிர்நீச்சல் 2' சீரியலில் மதுமிதாவுக்கு பதில் இவரா? ஜனனி கேரக்டரை காப்பாற்றுவாரா?
- IndiaGlitz, [Saturday,October 19 2024]
'எதிர் நீச்சல்’ சீரியல் இரண்டாம் பாகம் விரைவில் வெளியாக இருக்கும் நிலையில் இதில் நடிக்கப் போவதில்லை என ஜனனி கேரக்டரில் நடித்த மதுமிதா அறிவித்திருந்தார். இந்த நிலையில், இந்த கேரக்டரில் நடிக்கும் நடிகை குறித்த தகவல் தற்போது கசிந்துள்ளது.
சன் டிவியில் ஒளிபரப்பான 'எதிர் நீச்சல்’ சீரியல் நல்ல வரவேற்பை பெற்று வந்த நிலையில், திடீரென இந்த சீரியல் முடிவுக்கு வந்தது, ரசிகர்களுக்கு பெரும் அதிர்ச்சியை ஏற்படுத்தி இருந்தது. இந்த நிலையில், இந்த சீரியலின் இரண்டாம் பாகம் விரைவில் வெளியாக இருப்பதாக கூறப்படும் நிலையில், சமீபத்தில் ஜனனி கேரக்டரில் நடித்த மதுமிதா ’எதிர்நீச்சல் 2’ சீரியலில் தான் நடிக்கவில்லை என்று கூறியிருந்தார். வேறொரு சீரியல் அல்லது திரைப்படத்தில் நடிக்க ஒப்புக் கொண்டால் தான் அவர் ’எதிர்நீச்சல் 2’ சீரியலில் நடிக்கவில்லை என்று கூறப்பட்டது.
இந்த நிலையில், ஜனனி கேரக்டரில் யார் நடிப்பார் என்று எதிர்பார்ப்பு இருந்த நிலையில், தற்போது பார்வதி நடிக்க இருப்பதாக கூறப்படுகிறது. சன் டிவியில் விஜேவாக இருந்த அவர், ஜீ தமிழ் சேனலில் ஒளிபரப்பான ’புது புது அர்த்தங்கள்’ சீரியலில் தேவயானி மருமகளாக நடித்திருந்தார். அந்த சீரியல் முடிவுக்கு பின்னால், ஒரு சில சீரியலில் கெஸ்ட் ரோலில் மட்டும் நடித்த பார்வதி, தற்போது ’எதிர்நீச்சல் 2’ சீரியலில் ஜனனி கேரக்டரில் நடிக்க இருப்பதாக கூறப்படுகிறது.
ஜனனி கேரக்டரில் நடிக்க பார்வதி மிகவும் பொருத்தமானவர் என்று, இந்த செய்திக்கு ரசிகர்கள் கருத்துக்களை பதிவு செய்து வருகின்றனர்.