'காலா' படத்தில் ரஜினியின் மனைவி செல்வி கேரக்டரில் நடித்திருந்த நடிகை ஈஸ்வரிராவுக்கு பாராட்டுக்கள் குவிந்து வருகிறது. அவர் தோன்றும் காட்சிகள் அனைத்தும் ரசிகர்களால் கைதட்டல் பெற்றது அவரது நடிப்பிற்கு கிடைத்த பரிசாக கருதப்படுகிறது.

குறிப்பாக அவர் அறிமுகமாகும் காட்சியில் ரஜினி உள்பட அவருடைய குடும்பத்தினர்கள் அனைவரிடமும் பேசும் நீளமான காட்சியை ஒரே டேக்கில் அவர் முடித்தது அனைவரையும் ஆச்சரியத்தில் ஆழ்த்தியது. இந்த படம் வெளிவந்தவுடனே ஈஸ்வரிராவ் கோலிவுட் திரையுலகில் ஒரு நீண்ட ரவுண்ட் வருவார் என்று அனைத்து விமர்சகர்களும் கூறினர்

அந்த வகையில் அவருக்கு அடுத்த படம் தற்போது புக் ஆகியுள்ளது. தேசிய விருது பெற்ற இயக்குனர் பாலா இயக்கத்தில் உருவாகி வரும் 'அர்ஜூன் ரெட்டி' ரீமேக் படமான 'வர்மா' படத்தில் முக்கிய வேடம் ஒன்றில் நடிக்க ஈஸ்வரிராவ் ஒப்பந்தமாகியிருப்பதாக செய்திகள் வெளிவந்துள்ளது. இந்த படத்தில்தான் சீயான் விக்ரம் மகன் துருவ் ஹீரோவாக அறிமுகமாகிறார் என்பது குறிப்பிடத்தக்கது.