ரஜினி கட்சிகள் சேரத் தயாராக இருக்கும் அதிமுக அமைச்சர்கள்: பிரபல அரசியல் கட்சி தலைவர் பேட்டி
- IndiaGlitz, [Monday,February 17 2020]
சூப்பர் ஸ்டார் ரஜினிகாந்த் வரும் ஏப்ரல் மாதம் அரசியல் கட்சி தொடங்குவார் என்று எதிர்பார்க்கப்படும் நிலையில் அவரது கட்சியில் ஒரு சில கட்சிகளில் உள்ள முன்னணி தலைவர்கள் சேருவார்கள் என்று எதிர்பார்க்கப்படுகிறது
குறிப்பாக தற்போது அமைச்சராக இருக்கும் ஒரு சிலர் ரஜினி கட்சியில் சேருவார்கள் என்றும் அதற்கான பேச்சுவார்த்தை நடந்து வருவதாகவும், ரஜினியை அவரது வீட்டில் நள்ளிரவில் சில அமைச்சர்கள் ரகசியமாக சந்தித்து வருவதாகவும் கூறப்படுகிறது
இந்த நிலையில் ரஜினி கட்சி தொடங்கினால் அவரது கட்சியில் சேர ஒரு சில அமைச்சர்கள் தயாராக இருப்பதாகவும் இதன் காரணமாக ஒரு சில அமைச்சர்கள் ரஜினிக்கு ஆதரவாக கருத்து தெரிவித்து வருவதாகவும் கொங்குநாடு மக்கள் கட்சி தலைவர் ஈஸ்வரன் அவர்கள் இன்று அளித்த பேட்டி ஒன்றில் தெரிவித்துள்ளார். ரஜினி கட்சி ஆரம்பித்தவுடன் எந்தெந்த அமைச்சர்கள் அவரது கட்சியில் இணைவார்கள் என்பதை பொறுத்திருந்து பார்ப்போம்