காங்கிரஸ் எம்எல்ஏ மற்றும் பிரபல காஸ்ட்யூம் டிசைனர் கணவர் மாரடைப்பால் திடீரென மரணமடைந்த சம்பவம் பெரும் அதிர்ச்சியை ஏற்படுத்தி உள்ளது.

முன்னாள் மத்திய அமைச்சர் ஈவிகேஎஸ் இளங்கோவன் அவர்களின் மகனும் ஈரோடு கிழக்கு சட்டமன்ற காங்கிரஸ் தொகுதி எம்எல்ஏவுமான திருமகன் ஈவெரா இன்று திடீரென மாரடைப்பால் காலமானார். அவரது மறைவுக்கு அரசியல் பிரபலங்கள் மற்றும் திரையுலகினர் இரங்கல் தெரிவித்து வருகின்றனர்.

ஈரோடு கிழக்கு தொகுதி காங்கிரஸ் கட்சியின் எம்எல்ஏவாக இருந்த திருமகன் ஈவெரா அவர்கள் உடல் நலக்குறைவு காரணமாக இன்று ஈரோடு தனியார் மருத்துவமனையில் அனுமதிக்கப்பட்டிருந்தார். இந்த நிலையில் திடீரென அவருக்கு மாரடைப்பு ஏற்பட்டதாகவும் இதனை அடுத்து அவர் காலமானதாக மருத்துவமனை தகவல் தெரிவித்துள்ளது.

மறைந்த திருமகன் ஈவெராவுக்கு பூர்ணிமா என்ற மனைவியும் ஒரு மகளும் உள்ளனர். பூர்ணிமா பிரபலமான காஸ்டியூம் டிசைனர் என்பது குறிப்பிடத்தக்கது. இந்த நிலையில் திருமகன் ஈவெரா மறைவுக்கு தமிழக முதல்வர் முக ஸ்டாலின் இன்று நேரில் அஞ்சலி செலுத்த உள்ளதாக தகவல்கள் வெளியாகியுள்ளன.