தினகரன் அணியில் மேலும் 10 எம்.எல்.ஏக்கள்: ஆட்சி தப்பிக்குமா?
- IndiaGlitz, [Tuesday,August 22 2017]
அதிமுகவின் ஓபிஎஸ் அணி, ஈபிஎஸ் நேற்று இணைந்ததால் அதிருப்தி அடைந்த தினகரன் அணியின் ஆதரவு எம்.எல்.ஏக்கள் இன்று கவர்னரை சந்தித்து எடப்பாடி பழனிச்சாமி தலைமையிலான அரசுக்கு தங்கள் ஆதரவு இல்லை என்று தெரிவித்தனர். இதனால் எந்த நேரமும் ஆட்சி கவிழும் நிலை ஏற்பட்டுள்ளதாக அரசியல் விமர்சகர்கள் கருத்து கூறி வருகின்றனர்.
தற்போது தினகரன் அணிக்கு 19 எம்.எல்.ஏக்கள் ஆதரவு இருப்பதாக கூறப்படும் நிலையில் மேலும் பத்து எம்.எல்.ஏக்கள் அவரது அணியில் இணைய தயாராக இருப்பதாக செய்திகள் வெளிவந்துள்ளது. இந்த செய்தி உண்மையென்றால் ஆட்சி கவிழும் ஆபத்து அதிகரித்துள்ளது.
இந்த நிலையில் தற்போதைய அரசியல் சூழல் குறித்து முதல்வர் எடப்பாடி பழனிச்சாமி, துணை முதல்வர் ஓ.பன்னீர்செல்வம் மற்றும் அமைச்சர்கள் அவசர ஆலோசனை செய்து வருவதாக செய்திகள் வெளிவந்துள்ளது.