ఏపీలో ప్రవేశ పరీక్షల తేదీలు ఇవే...
- IndiaGlitz, [Friday,August 14 2020]
ప్రవేశ పరీక్షలపై ఇటీవలే తెలంగాణ ప్రభుత్వం ఓ నిర్ణయానికి వచ్చిన విషయం తెలిసిందే. ఈ మేరకు పరీక్షల తేదీలను కూడా వెల్లడించింది. దీంతో ఏపీలో కూడా విద్యార్థులు ప్రవేశ పరీక్షల కోసం ఎదురు చూస్తున్నారు. దీనిలో భాగంగానే శుక్రవారం ఏపీ ప్రభుత్వం ప్రవేశ పరీక్షల తేదీలను వెల్లడించింది. విద్యా శాఖ మంత్రి ఆదిమూలపు సురేష్ నేడు పరీక్ష తేదీలను ప్రకటించారు.
సెప్టెంబర్ 17 నుంచి ఏపీలో ప్రవేశ పరీక్షలు ప్రారంభం కాబోతున్నాయి. 17 నుంచి 25 వరకు ఎంసెట్..సెప్టెంబర్ 14న ఈసెట్.. సెప్టెంబర్ 10, 11న ఐసెట్.. ఏపీజీఈ సెట్ సెప్టెంబర్ 28, 29, 30
ఎడ్‌సెట్ (ఉదయం), లాసెట్ (మధ్యాహ్నం) అక్టోబర్ 1 అక్టోబర్ 2 నుంచి 5 వరకు ఏపీపీఈ సెట్ నిర్వహించనున్నారు. విద్యారంగంలో పెనుమార్పులు తీసుకొచ్చేందుకు జగన్ ప్రభుత్వం ప్రయత్నిస్తోంది. బడ్జెట్‌లో ప్రత్యేకంగా 16 శాతం నిధులను దీనికోసం కేటాయించారని ఇటీవల ఆదిమూలపు సురేష్ తెలిపారు.