'எந்திரன்' 'விஸ்வரூபம்' படங்களுடன் கனெக்சன் ஆன 'சீயான் 60'
- IndiaGlitz, [Friday,March 26 2021]
விக்ரம் மற்றும் அவரது மகன் துருவ் விக்ரம் இணைந்து நடிக்கும் திரைப்படத்தை கார்த்திக் சுப்புராஜ் இயக்கி வருகிறார் என்பதும் இப்போதைக்கு ‘சீயான் 60’ என்ற டைட்டில் வைக்கப்பட்டுள்ள இந்த படத்தின் படப்பிடிப்பு சமீபத்தில் தொடங்கியது என்பதும் தெரிந்ததே.
இந்த படத்தில் சிம்ரன் மற்றும் வாணிபோஜன் ஆகிய இருவரும் நாயகிகளாக நடித்து வருகின்றனர் என்பதும் மேலும் இந்த படத்தில் இணைந்த நடிகர் நடிகைகள் மற்றும் தொழில்நுட்ப கலைஞர்கள் குறித்த அறிவிப்புகள் அவ்வப்போது வெளிவந்தது என்பது தெரிந்ததே.
சந்தோஷ் நாராயணன் இசையில் 7 ஸ்க்ரீன் ஸ்டூடியோ நிறுவனத்தின் தயாரிப்பில் உருவாகி வரும் இந்த படத்தில் தற்போது சவுண்டு எஞ்ஜினியராக குணால் ராஜன் என்பவர் இணைந்து உள்ளதாக அதிகாரப்பூர்வமாக அறிவிக்கப்பட்டுள்ளது. இவர் ஏற்கனவே ரஜினிகாந்த் நடித்த’எந்திரன்’ மற்றும் கமல்ஹாசன் நடித்த ’விஸ்வரூபம்’ உள்பட திரைப்படங்களில் சவுண்ட் என்ஜினியராக பணிபுரிந்தவர் என்பது குறிப்பிடத்தக்கது. சென்னை, கோவா, டார்ஜிலிங் உள்ளிட்ட பகுதிகளில் படமாக்கப்பட்டு வரும் இந்த படம் இவ்வருட இறுதியில் வெளியாகும் என்று எதிர்பார்க்கப்படுகிறது.
.@kunal_rajan joins the gang #Chiyaan60 #SoundDesigner
— Seven Screen Studio (@7screenstudio) March 26, 2021
Welcome Onboard ????#ChiyaanVikram #DhruvVikram
A @karthiksubbaraj Padam @Lalit_SevenScr @proyuvraaj pic.twitter.com/4m3MTu2Kyg