சூப்பர் ஸ்டார் நடிக்கும் '2.0' ரிலீஸ் தேதி குறித்த தகவல்
- IndiaGlitz, [Sunday,January 17 2016]
சூப்பர் ஸ்டார் ரஜினிகாந்த் தற்போது 'கபாலி' மற்றும் '2.0' ஆகிய இரண்டு படங்களில் ஒரே நேரத்தில் நடித்து வருகிறார். 'கபாலி' படத்தின் படப்பிடிப்பு இறுதிக்கட்டத்திலும் '2.0' படத்தின் படப்பிடிப்பு ஆரம்பகட்டத்திலும் உள்ள நிலையில் 'கபாலி' படம் வரும் மே மாதம் ரிலீஸ் ஆகவுள்ளதாக கூறப்படுகிறது. இந்நிலையில் 2.0' படத்தின் ரிலீஸ் தேதி குறித்த தகவல்களும் தற்போது வெளிவந்துள்ளது.
ரூ.350 கோடியில் இந்த படத்தை பிரமாண்டமாக தயாரித்து வரும் லைகா புரடொக்ஷன்ஸ் இந்த படத்தை 2017ஆம் ஆண்டு பொங்கல் திருநாளில் ரிலீஸ் செய்ய திட்டமிட்டுள்ளதாக கூறப்படுகிறது. கபாலி' படத்தின் படப்பிடிப்பின் இடையே அவ்வப்போது அமெரிக்கா செல்லவுள்ள ரஜினிகாந்த், 'கபாலி' படம் முடிந்ததும் முழுமையாக 2.0' படத்திற்காக தனது கால்ஷீட்டை ஒதுக்கியுள்ளதாக கூறப்படுகிறது.
ஏ.ஆர்.ரஹ்மான் இசையில் பிரமாண்ட இயக்குனர் ஷங்கர் இயக்கத்தில் உருவாகி வரும் இந்த படம் இந்தியாவின் மிகப்பெரிய பட்ஜெட் படம் என்பதும் இந்த படத்தில் அக்சயகுமார் வில்லனாக நடிப்பதால் இந்தியா முழுவதும் எதிர்பார்க்கும் ஒரு படமாக இருக்கின்றது என்பதும் குறிப்பிடத்தக்கது.