கடந்த 1976ஆம் ஆண்டில் இருந்து கோலிவுட் திரையுலகில் பிரபல குணசித்திர மற்றும் நகைச்சுவை நடிகராக விளங்கி வரும் டெல்லி கணேஷ் சுமார் 400 படங்களுக்கும் மேல் நடித்துள்ளார். இந்நிலையில் அவரது மகன் மஹா ஹீரோவாக அறிமுகமாகும் 'என்னுள் ஆயிரம்' என்ற படத்தை அவர் தயாரித்து வந்தார்.

இந்த படத்தின் படப்பிடிப்பு கடந்த சில மாதங்களாக விறுவிறுப்பாக நடைபெற்ற நிலையில் இந்த படத்தின் ரிலீஸ் தேதி குறித்த தகவல் தற்போது வெளிவந்துள்ளது. இந்த படம் வரும் ஏப்ரல் 1-ஆம் தேதி ரிலீஸ் ஆகவுள்ளதாக தகவல் வெளிவந்துள்ளது.

மஹா, மரினா மைக்கேல், வின்சென்ட் அசோகன், உள்பட பலர் நடித்துள்ள இந்த படத்தை கிருஷ்ணகுமார் என்ற அறிமுக இயக்குனர் இயக்கியுள்ளார். இவர் பிரபல இயக்குனர் ஏ.எல்.விஜய்யிடம் உதவியாளராக இருந்தவர் என்பது குறிப்பிடத்தக்கது. கோபிசுந்தர் இந்த படத்திற்கு இசையமைத்துள்ளார்.