தனியார் தொலைக்காட்சி ஒன்றில் கடந்த சில மாதங்களாக ஆர்யா நடத்தி வரும் 'எங்க வீட்டு மாப்பிள்ளை' என்ற நிகழ்ச்சி ஒளிபரப்பாகி வருகிறது. இந்த நிகழ்ச்சியில் கலந்து கொண்ட இளம்பெண்களில் ஒருவரை ஆர்யா தனது மனைவியாக தேர்வு செய்யவுள்ளார் என்று இந்த நிகழ்ச்சியின் ஆரம்பத்தில் விளம்பரப்படுத்தப்பட்டது.

இந்த நிலையில் இந்த நிகழ்ச்சில் மொத்தம் 16 பெண்கள் கலந்து கொண்டிருந்த நிலையில் தற்போது அவர்களில் மூன்று பெண்கள் இறுதி போட்டிக்கு தகுதி பெற்றுள்ளனர். இன்று நடைபெறும் இறுதி போட்டியில் இவர்களில் ஒருவரை ஆர்யா தேர்வு செய்யவுள்ளார்

இந்த இறுதி நிகழ்ச்சியின் புரமோ வீடியோவில் ஆர்யா ஒரு பெண்ணை தேர்வு செய்து அவரை கட்டிப்பிடிப்பது போன்ற காட்சி உள்ளது இருப்பினும் அவர் தேர்வு செய்தது அந்த பெண்ணைத்தானா? அல்லது வேறு பெண்ணா? என்பது இன்றைய நிகழ்ச்சியின் முடிவில் தான் தெரியவரும்

அதே நேரத்தில் இந்த நிகழ்ச்சியில் வெற்றி பெற்றாலும் அந்த பெண் ஆர்யாவை திருமணம் செய்து கொள்ளவும், அவரை வேண்டாம் என்று சொல்லவும் உரிமை உண்டு. ஒருவேளை வெற்றி பெறும் பெண் ஆர்யாவை திருமணம் செய்ய மறுக்கும் பட்சத்தில் இந்த நிகழ்ச்சியின் இரண்டாம் பாகம் தொடரும் என்பது குறிப்பிடத்தக்கது.