பிரபல நடிகையை விவாகரத்து செய்யும் தனுஷ் பட ஒளிப்பதிவாளர்!
- IndiaGlitz, [Saturday,January 30 2021]
தனுஷ் பட ஒளிப்பதிவாளர் ஒருவர் தனது மனைவியை விவாகரத்து செய்வதற்காக நீதிமன்றத்தை அணுகி உள்ள தகவல் பெரும் பரபரப்பை ஏற்படுத்தி உள்ளது
தனுஷ் நடிப்பில் கௌதம் மேனன் இயக்கிய ’எனை நோக்கி பாயும் தோட்டா’ என்ற திரைப்படத்தில் ஒளிப்பதிவாளராக பணிபுரிந்தவர் ஜாமோன் ஜான். சமீபத்தில் வெளியான ‘பாவக்கதைகள்’ உள்பட பல திரைப்படங்களுக்கு இவர் ஒளிப்பதிவு செய்துள்ளார். இவர் கடந்த 2014ஆம் ஆண்டு பிரபல மலையாள நடிகை ஆன் அகஸ்டின் என்பவரை திருமணம் செய்து கொண்டார். மலையாளத்தில் பிசியாக இருந்த இவர் திருமணத்திற்கு பின்னர் இரண்டு படங்களில் மட்டுமே நடித்தார் என்பது குறிப்பிடத்தக்கது
இந்த நிலையில் திருமணமாகி ஆறு வருடங்களுக்கு மேல் ஆகியுள்ள நிலையில் கடந்த சில மாதங்களாக ஜாமோன் ஜான் மற்றும் ஆன் அகஸ்டின் ஆகிய இருவரும் கருத்து வேறுபாடு காரணமாக பிரிந்து வாழ்வதாக தகவல்கள் வெளிவந்துள்ளன
இந்த நிலையில் தற்போது ஒளிப்பதிவாளர் ஜாமோன் ஜான் விவாகரத்து மனுவை நீதிமன்றத்தில் அளித்துள்ளதாகவும் இது குறித்து நேரில் ஆஜராக நடிகை ஆன் அகஸ்டினுக்கு நோட்டீஸ் அனுப்பப்பட்டுள்ளதாகவும் தகவல்கள் வெளிவந்துள்ளன, எனவே விரைவில் இருவரும் முறைப்படி விவாகரத்து பெற்று பிரிவார்கள் என்று எதிர்பார்க்கப்படுகிறது
தற்போது ஒளிப்பதிவாளர் ஜாமோன் ஜான், இந்தி திரைப்படமான சர்க்கஸ் என்ற திரைப் படத்திற்கு ஒளிப்பதிவாளராக பணிபுரிந்து கொண்டிருக்கிறார் என்பது குறிப்பிடத்தக்கது