சென்னையில் கடந்த சில நாட்களாக கனமழை பெய்து வரும் நிலையில் நேற்றிரவு விடிய விடிய பெய்த மழையால் சென்னையில் பெரும்பாலான இடங்கள் வெள்ளக்காடு போல் காட்சி அளிக்கின்றது.

இந்த நிலையில் தமிழக அரசு, தேசிய பேரிடர் மீட்புப்பணி, சமூக ஆர்வலர்கள், காவல்துறையினர் உள்பட பலர் மீட்புப்பணியில் உள்ளனர். முதல்கட்டமாக தாழ்வான பகுதியில் உள்ள மக்களை அப்புறப்படுத்தி பாதுகாப்பான இடங்களுக்கு கொண்டு செல்கின்றனர்

இந்த நிலையில் மழை, வெள்ளத்தால் பாதிக்கப்பட்டோர்களுக்கு உதவி செய்ய விஷால், கார்த்தி, நாசர் உள்பட நடிகர்கள் கொண்ட குழு ஒன்று உருவாக்கப்பட்டுள்ளது. 9710444442, 9444188902, 7904084228, ஆகிய எண்களில் வெள்ளத்தால் பாதிக்கப்பட்டோர் தொடர்பு கொண்டால் உடனடியாக உதவப்படும் என்று விஷால் அறிவித்துள்ளார். கடந்த 2015ஆம் ஆண்டு வெள்ளம் ஏற்பட்டபோதும் விஷால் குழுவினர் பொதுமக்களுக்கு உதவி செய்தனர் என்பது குறிப்பிடத்தக்கது.